ന്യൂഡൽഹി: ഇരട്ടപദവി ആരോപണവുമായി ബന്ധപ്പെട്ട് 20 പാർട്ടി എംഎൽഎമാരെ അയോഗ്യരാക്കാനുള്ള തെരഞ്ഞെടുപ്പ് കമ്മീഷന്റെ നടപടിക്കെതിരെ ആം ആദ്മി പാർട്ടി. ബിജെപിക്കും പ്രധാനമന്ത്രിക്കും വേണ്ടിയാണ് കമ്മീഷന്റെ ഈ നടപടിയെന്ന് പാർട്ടി വൃത്തങ്ങൾ കുറ്റപ്പെടുത്തി. എംഎൽഎമാരിൽ ആരും തന്നെ ഇത്തരത്തിൽ പ്രതിഫലം കൈപ്പറ്റുന്നില്ലെന്ന് വ്യക്തമാക്കിയ പാർട്ടി നേതൃത്വം കമ്മീഷൻ നടപടിയെ നിയമപരമായി നേരിടുമെന്നും അറിയിച്ചു.