ന്യൂസിലാന്റിലെ പാൽമേഴ്സ്റ്റൺ നോർത്തിൽ ട്രെയിനും ബസും കൂട്ടിയിടിച്ചുണ്ടായ അപകടത്തിൽ ഡ്രൈവർ മരിച്ചു. ആറു ഹൈസ്‌കൂൾ വിദ്യാർത്ഥികൾ ആശുപത്രിയിൽ പ്രവേശിപ്പിക്കുകയും ചെയ്തിട്ടുണ്ട്. ഇതു കൂടാതെ, ബണ്ണിന്ത്രോപ്പ് റെയിൽവേ റോഡിലുണ്ടായ അപകടത്തിൽ ഒരു സ്ത്രീയും മരണപ്പെട്ടുവെന്ന് പൊലീസ് സ്ഥിരീകരിച്ചിട്ടുണ്ട്.

ലോക്കൽ ഹൈ സ്‌കൂൾ വിദ്യാർത്ഥികളടക്കം 41 പേരാണ് ബസിൽ ഉണ്ടായിരുന്നത്. ഡ്രൈവർ സംഭവ സ്ഥലത്തു വച്ചു തന്നെ മരിച്ചു. വിദ്യാർത്ഥികളുടെ പരിക്കുകളൊന്നും ഗുരുതരമല്ലെന്നാണ് ലഭിക്കുന്ന വിവരം. കുറച്ചു പേരെ പാൽമേഴ്സ്റ്റൺ നോർത്ത് ഹോസ്പിറ്റലിലാണ് പ്രവേശിപ്പിച്ചിരിക്കുന്നതെന്ന് പൊലീസ് വ്യക്തമാക്കി.

അപകടം നടന്ന് അൽപ നേരത്തിനു ശേഷം തന്നെ റോഡ് ഗതാഗതത്തിനായി തുറന്നു കൊടുക്കുവാൻ സാധിച്ചു. അപകടം ഉണ്ടാകാനുള്ള കാരണം ഇപ്പോൾ വ്യക്തമല്ല. സംഭവത്തിൽ അന്വേഷണം നടക്കുകയാണ്.

 

അപകടം