ശക്തികുളങ്ങരയിൽ ബസും മിനി ലോറിയും കൂട്ടിയിടിച്ച് അപകടം; ഡ്രൈവർ മരിച്ചു

കൊല്ലം: ശക്തികുളങ്ങരയിൽ സ്വകാര്യ ബസും മീനുമായി വന്ന മിനി ലോറിയും കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. മിനി ലോറി ഡ്രൈവർ എറണാകുളം ഏലൂർ സ്വദേശി പുഷ്പനാണ് മരിച്ചത്.

സ്വകാര്യ ബസ് മറ്റൊരു വാഹനത്തെ മറികടക്കവെ മിനി ലോറിയുമായി കൂട്ടിയിടിക്കുകയായിരുന്നു. ലോറി ക്ലീനറെ ഗുരുതരാവസ്ഥയിൽ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.ബസ് യാത്രക്കാരായ 19 പേർക്ക് പരിക്കേറ്റു.

സ്വകാര്യ ബസുകൾ തമ്മിൽ ഉള്ള മത്സര ഓട്ടമാണ് അപകട കാരണമെന്ന് നാട്ടുകാർ ആരോപിച്ചു. പരിക്കേറ്റ ബസ് യാത്രക്കാരെ ജില്ല ആശുപത്രിയിലേക്ക് മാറ്റി.