തളിപ്പറമ്പ്: കണ്ണൂർ -കാസർകോട് ദേശീയപാതയിൽ ധർമ്മശാല കെൽട്രോണിന് സമീപം ഇരുചക്രവാഹനങ്ങൾ കൂട്ടിയിടിച്ച് പൊതുമേഖലാബാങ്ക് ജീവനക്കാരി മരണമടഞ്ഞു. എസ്.ബി.ഐ എരിപുരം ശാഖയിലെ ഓഫീസർ മാങ്ങാട്ടെ എ.സതിയാണ് മരിച്ചത്. ദേശീയ പാതയിൽ ധർമ്മശാല കെൽട്രോണിന് സമീപത്തായാണ് അപകടമുണ്ടായത്. എസ്.ബി.ഐ എരിപുരം ശാഖയിലെ ഓഫീസറാണ് മരിച്ച .സതി, പുതിയങ്ങാടി ഇട്ടമ്മൽ സ്വദേശിനിയാണ്.

പരിക്കേറ്റ ബന്ധു കടമ്പേരിയിലെ രാഘവനെ പരിയാരത്തെ കണ്ണൂർ ഗവ മെഡി കോളേജിൽ പ്രവേശിപ്പിച്ചു. വ്യാഴാഴ്‌ച്ച രാവിലെ ഒമ്പതുമണിയോടെയായിരുന്നു അപകടം നടന്നത് മാങ്ങാട്ടെ വീട്ടിൽ നിന്ന് ബന്ധു വിനൊപ്പം സ്‌കൂട്ടിയിൽ പഴയങ്ങാടിയിലേക്ക് പോകവെ എതിരെ വന്ന ബൈക്കുമായി കൂട്ടിയിടിക്കുകയായിരുന്നു. ഗുരുതരമായ പരിക്കേറ്റ സതിയെയും രാഘവനെയും തളിപ്പറമ്പ് സഹകരണ ആശുപത്രിയിൽ എത്തിച്ചെങ്കിലും സതി മരണപ്പെടുകയായിരുന്നു.

ജില്ലാ ബാങ്കിൽ നിന്നും വിരമിച്ച അരോളി സാമൂതിരി മില്ലിന് സമീപത്തെ ഇ. സത്യനാണ് ഭർത്താവ്. ഇവർക്ക് രണ്ട് മക്കളുണ്ട്. പരിയാരത്തെ കണ്ണൂർ മെഡിക്കൽ കോളേജ് ആശുപത്രിയിലേക്ക് മാറ്റി. പരിയാരം പൊലിസ് കേസെടുത്ത് അന്വേഷണമാരംഭിച്ചു.