സൗദി അറേബ്യയിൽ എക്സ്‌പ്രസ് വേയിൽ വാഹനാപകടം; രണ്ട് പേർ മരിച്ചു, ഒമ്പത് പേർക്ക് പരിക്ക്

റിയാദ്: സൗദി അറേബ്യയിൽ ജിദ്ദ - മക്ക എക്സ്‌പ്രസ് വേയിലുണ്ടായ വാഹനാപകടത്തിൽ രണ്ട് പേർ മരിച്ചു. ഏഴ് പേർക്ക് പരിക്കേറ്റു. എക്സ്‌പ്രസ് വേയിൽ വാഹനങ്ങൾ കൂട്ടിയിടിച്ചാണ് അപകടമുണ്ടായത്. പരിക്കേറ്റവരിൽ ഒരാളുടെ നില ഗുരുതരമാണ്.

അപകടമുണ്ടായ ഉടൻ തന്നെ റെഡ് ക്രസന്റ് ആംബുലൻസ് സംഘങ്ങൾ സ്ഥലത്തെത്തി രക്ഷാപ്രവർത്തനം നടത്തി. ഗുരുതരമായി പരിക്കേറ്റയാളെ നാഷണൽ ഗാർഡ് ആശുപത്രിയിലേക്കാണ് മാറ്റിയത്. പരിക്കേറ്റ ഏഴ് പേരെ മക്ക അൽനൂർ സ്‌പെഷ്യലിസ്റ്റ് ആശുപത്രി, മക്ക അൽ സാഹിർ കിങ് അബ്ദുൽ അസീസ് ആശുപത്രി എന്നിവിടങ്ങളിലേക്ക് മാറ്റി. ഒരാൾക്ക് സംഭവ സ്ഥലത്തുവെച്ച് പ്രാഥമിക ശുശ്രൂഷ നൽകുകയും ചെയ്തു.