കണ്ണൂർ: ഏണിയിൽ നിന്നും വീണുഗുരുതരമായി പരുക്കേറ്റ പത്ര ജീവനക്കാരൻ ചികിത്സയ്ക്കിടെ മരണമടഞ്ഞു. മംഗളം ദിനപത്രം കണ്ണൂർ ബ്യൂറോ ജീവനക്കാരനാണ് ഏണിയിൽ നിന്ന് വീണുമരിച്ചത്. തുളിച്ചേരി ആനന്ദ സദനം വായനശാലക്കു സമീപം മുണ്ടച്ചാലിൽ എം ടി.സജീവനാ (62) ണ് മരണമടഞ്ഞത്.

കഴിഞ്ഞ തിങ്കളാഴ്‌ച്ച വൈകുന്നേരമായിരുന്നു അപകടം. വീട്ടിനു പിറകിൽ മാങ്ങ പറിക്കാനായി അലൂമിനിയം ഏണിയിൽ കയറിയതായിരുന്നു. ഉടൻ എ.കെ.ജി സഹകരണാശുപത്രിയിൽ ശസ്ത്രക്രിയക്ക് വിധേയനാക്കിയെങ്കിലും രക്ഷിക്കാനായില്ല. ചൊവ്വാഴ്‌ച്ച പുലർച്ചെ മൂന്ന് മണിയോടെയായിരുന്നു അന്ത്യം. മുപ്പത് വർഷത്തിലധികമായി മംഗളം ജീവനക്കാരനാണ്.

ഭാര്യ: സരസ. മകൻ: അനഘ് ( വിദ്യാർത്ഥി, ഗവ. ബ്രണ്ണൻ കോളജ്, തലശ്ശേരി). മൃതദേഹം ജില്ലാശുപത്രിയിൽ പോസ്റ്റുമോർട്ടം നടത്തി പയ്യാമ്പലത്ത് സംസ്‌കരിച്ചു.