കണ്ണൂർ എടച്ചേരിയിലെ ക്ഷേത്രക്കുളത്തിൽ വിദ്യാർത്ഥി മുങ്ങി മരിച്ചു; മരണമടഞ്ഞത് പത്താം ക്ലാസ് വിദ്യാർത്ഥിയായ ലിനോ ജോസഫ്

കണ്ണൂർ: എടച്ചേരി കുന്നാവ് ക്ഷേത്രക്കുളത്തിൽ വിദ്യാർത്ഥി മുങ്ങിമരിച്ചു. എടച്ചേരി മുത്തപ്പൻ കാവിന് സമീപം വാടകയ്ക്ക് താമസിക്കുന്ന റോയിയുടെ മകൻ ലിനോ ജോസഫാ (15)ണ് മരിച്ചത്. ഇന്ന് ഉച്ചയ്ക്ക് ട്യൂഷൻകഴിഞ്ഞ് വീട്ടിലേക്ക് മടങ്ങുന്ന വഴിയിലായിരുന്നു അപകടം.

ശ്രീപുരം സ്‌കൂളിലെ പത്താം ക്ലാസ് വിദ്യാർത്ഥിയാണ് മരിച്ച ലിനോ. ഫയർ ഫോഴ്‌സെത്തി കുട്ടിയെ രക്ഷിക്കാൻ ശ്രമിച്ചെങ്കിലും അപ്പോഴേക്കും മരിച്ചിരുന്നു. കുട്ടിയുടെ മൃതദേഹം കണ്ണൂർ ഗവ.ആശുപത്രിയിൽ മോർച്ചറിയിലാണ്. സംസ്‌കാരം നാളെ രാവിലെ പത്തുമണിക്ക് നടുവിൽ സെന്റ് മേരീസ് കത്തിഡ്രൽ പള്ളിയിൽ നടക്കും.