മംഗളൂരു: കങ്കനാടിയിൽ അപാർട്‌മെന്റിന്റെ അഞ്ചാം നിലയിൽ നിന്ന് വീണ് വിദ്യാർത്ഥിനി മരിച്ചു. കങ്കനാടി സ്വദേശി മുഹമ്മദ് ഇംതിയാസിന്റെ മകൾ സെഹർ ഇംതിയാസ് (15) ആണ് മരിച്ചത്. വിശ്വാസ് ക്രൗൺ അപാർട്‌മെന്റിലാണ് മുഹമ്മദ് ഇംതിയാസ് കുടുംബത്തോടൊപ്പം താമസിക്കുന്നത്

ബുധനാഴ്ച വൈകീട്ട് നാലരയോടെ ബാൽക്കണിയോട് ചേർന്നുള്ള ഹാളിൽ ഒരു കസേരയിൽ നിന്നുകൊണ്ട് കർട്ടനുകൾ ശരിയാക്കുന്നതിനിടയിൽ സെഹർ അബദ്ധത്തിൽ കെട്ടിടത്തിന്റെ നിന്ന് തെന്നി താഴേക്ക് വീഴുകയായിരുന്നുവെന്നാണ് വിവരം. 50 അടി മുതൽ 60 അടി വരെ ഉയരത്തിൽ നിന്നുള്ള വീഴ്ചയുടെ ആഘാതത്തിൽ ഇടത് കാൽ ഒടിഞ്ഞതായും തലയ്ക്ക് ഗുരുതരമായി പരിക്കേറ്റതായും പറയുന്നു.

ഉടൻ ആശുപത്രിയിൽ എത്തിച്ചെങ്കിലും വൈകുന്നേരത്തോടെ മരണം സംഭവിക്കുകയായിരുന്നു. ബെജായി ലൂർദ് സെൻട്രൽ സ്‌കൂളിലെ എസ്എസ്എൽസി വിദ്യാർത്ഥിനിയാണ്.

 

ബുര്‍ഹാന്‍ തളങ്കര

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍