രണ്ടു കൊല്ലം മുമ്പ് വീട്ടുകാരറിയാതെ കെട്ടിയത് ഹിന്ദു യുവതിയെ; പ്രണയ വിവാഹം മറച്ചു വച്ച് നിക്കാഹിന് സമ്മതിച്ചത് സ്വർണ്ണവും പണവും അടിച്ചു മാറ്റാൻ; ആദ്യ രാത്രിക്ക് ശേഷം മുങ്ങിയത് ചേപ്പാട്ടെ ഭാര്യ വീട്ടിലേക്കും; സ്റ്റേഷനിൽ അനുജനെ തല്ലിചതച്ച് ചേട്ടനും; അസറുദ്ദീൻ റഷീദ് വിവാഹ തട്ടിപ്പിന്റെ പുതിയ മുഖം

അടൂർ: വിവാഹ രാത്രിയിൽ വധുവിന്റെ വീട്ടിൽനിന്ന് 30 പവന്റെ സ്വർണാഭരണവും 2.75 ലക്ഷം രൂപയുമായി കടന്നെന്ന കേസിൽ വരനെ അടൂർ പൊലീസ് അറസ്റ്റ് ചെയ്യുമ്പോൾ പുറത്തു വരുന്നത് സ്വർണ്ണവും പണവും തട്ടിയ ശേഷം സുഖിച്ച് ജീവിക്കാനുള്ള ഗൂഢാലോചന. കായംകുളം എംഎസ് എച്ച്എസ്എസിനു സമീപം തെക്കേടത്ത്തറയിൽ അസറുദ്ദീൻ റഷീദ് (30) ആണ് അറസ്റ്റിലായത്. ഇയാളുടെ രണ്ടാം വിവാഹമായിരുന്നു ഇത്.

കായംകുളം എം.എസ്.എച്ച്എസ്.എസിന് സമീപം തെക്കേടത്ത് തറയിൽ അസറുദ്ദീൻ റഷീദ്(30) ആണ് അറസ്റ്റിലായത്. ചേപ്പാടുള്ള ആദ്യഭാര്യയുടെ വീട്ടിലേക്ക് പോയ അസറുദ്ദീനെ പൊലീസ് തന്ത്രപൂർവം അടൂരിലേക്ക് വിളിച്ചു വരുത്തി അറസ്റ്റ് ചെയ്യുകയായരുന്നു. പഴകുളം സ്വദേശിയായ നവവധുവിന്റെ പിതാവിന്റെ പരാതിയിൽ പൊലീസ് വിശ്വാസ വഞ്ചനയ്ക്ക് കേസെടുത്തിരുന്നു. ഹൈന്ദവ സമുദായത്തിൽപ്പെട്ടയാളാണ് ആദ്യ ഭാര്യ.

കഴിഞ്ഞ 30ന് ആദിക്കാട്ടുകുളങ്ങരയിലുള്ള ഓഡിറ്റോറിയത്തിൽ വച്ചായിരുന്നു അസറുദ്ദീനും പഴകുളം സ്വദേശിനിയുമായുള്ള വിവാഹം. അന്നു വധുവിന്റെ വീട്ടിലാണ് കഴിഞ്ഞത്. 31ന് പുലർച്ചെ 3ന് ഉറ്റ സുഹൃത്തിന് അപകടം പറ്റിയെന്നറിയിച്ച് ഫോൺ വന്നെന്നും ആലപ്പുഴ മെഡിക്കൽ കോളജ് ആശുപത്രിയിലാക്കാൻ താൻ പോകുകയാണെന്നും പറഞ്ഞ് അസറുദ്ദീൻ വീട്ടിൽനിന്നിറങ്ങുകയായിരുന്നു. കുറച്ചു കഴിഞ്ഞ് വധുവിന്റെ വീട്ടുകാർ ഇയാളെ മൊബൈൽ ഫോണിൽ ബന്ധപ്പെട്ടപ്പോൾ സ്വിച്ച്ഡ് ഓഫായിരുന്നു. സംശയം തോന്നിയ വധുവിന്റെ വീട്ടുകാർ നടത്തിയ പരിശോധനയിലാണ് സ്വർണാഭരണവും സംഭാവനയായി ലഭിച്ച പണവുമായാണ് അസറുദ്ദീൻ പോയതെന്ന് മനസ്സിലായത്.

ഇതോടെ വധുവിന്റെ പിതാവ് വരന്റെ വീട്ടുകാരെ ഇക്കാര്യം അറിയിച്ച ശേഷം അടൂർ പൊലീസിൽ പരാതി നൽകി. പൊലീസ് നടത്തിയ അന്വേഷണത്തിൽ ഇയാൾ നേരത്തെ ആലപ്പുഴ ചേപ്പാട് സ്വദേശിനിയെ വിവാഹം കഴിച്ചിരുന്നാതായി കണ്ടെത്തി. ആദ്യ ഭാര്യയുടെ ചേപ്പാട്ടെ വീട്ടിൽ അസറുദ്ദീൻ ഉള്ളതായും വിവരം ലഭിച്ചു. കോടതിയിൽ ഹാജരാക്കിയ ശേഷം റിമാൻഡ് ചെയ്തു. അസറുദ്ദീനെ സ്റ്റേഷനിൽ വച്ച് കയ്യേറ്റം ചെയ്യാൻ ശ്രമിച്ചതുമായി ബന്ധപ്പെട്ട് 4 പേർക്കെതിരെ പൊലീസ് കേസെടുത്തു. പൊലീസ് കസ്റ്റഡിയിലിരുന്ന പുയ്യാപ്ലയെ സ്വന്തം സഹോദരൻ അടക്കമുള്ളവർ കയറി പഞ്ഞിക്കിട്ടു. ഇതാണ് ഈ പൊലീസു കേസിന് കാരണം.

രണ്ടു വർഷം മുൻപ് അസറുദ്ദീൻ വിവാഹം കഴിച്ച വിവരം അറിഞ്ഞു കൂടായിരുന്നുവെന്നാണ് ഇയാളുടെ ബന്ധുക്കൾ പറയുന്നത്. പൊലീസ് ഈ വാദം മുഖവിലയ്ക്ക് എടുത്തിട്ടില്ല. സ്റ്റേഷനിൽ എത്തിച്ച പ്രതിയെ നാലംഗ സംഘം ഇവിടെ വച്ച് മർദിച്ചു. അസറുദ്ദീന്റെ സ്വന്തം സഹോദരനാണ് മർദനത്തിന് നേതൃത്വം നൽകിയത്. ഇവർക്കെതിരേ പൊലീസ് കേസെടുത്തത്.