ഒരു പെൺകുട്ടിക്ക് മോശം സന്ദേശം അയച്ചതുമായി ബന്ധപ്പെട്ട തർക്കം; ആലപ്പുഴയിൽ യുവാവിനെ ഏഴംഗ സംഘം കൊലപ്പെടുത്തി; കൊല്ലപ്പെട്ടത് തൈക്കാട്ടുശ്ശേരിയിൽ വിപിൻലാൽ; പ്രതികളിൽ ഒരാളെ അറസ്റ്റു ചെയ്തു പൊലീസ്

ആലപ്പുഴ: ആലപ്പുഴ പൂച്ചാക്കലിൽ ഏഴംഗ സംഘം യുവാവിനെ വെട്ടി കൊലപ്പെടുത്തി. തൈക്കോട്ടുശ്ശേരി രോഹിണിയിൽ വിപിൻലാൽ (37) ആണ് കൊല്ലപ്പെട്ടത്. പ്രതികളിലൊരാളായ സുജിത്തിനെ പൊലീസ് അറസ്റ്റ് ചെയ്തു. ഇന്നലെ അർദ്ധരാത്രിയായിരുന്നു സംഭവം.കൊലയ്ക്ക് പിന്നിൽ രാഷ്ട്രീയമില്ലെന്നും, പെൺകുട്ടിക്ക് മോശം മെസേജ് അയച്ചതുമായി ബന്ധപ്പെട്ട് നേരത്തെ തർക്കമുണ്ടായിരുന്നുവെന്നും പൊലീസ് അറിയിച്ചു

ഒരു പെൺകുട്ടിക്ക് മോശം സന്ദേശം അയച്ചതുമായി ബന്ധപ്പെട്ട് ഇരു വിഭാഗങ്ങൾ തമ്മിൽ നേരത്തെ തർക്കമുണ്ടായിരുന്നു. ഇതിനെ തുടർന്നുള്ള സംഘർഷങ്ങളാണ് കൊലപാതകത്തൽ കലാശിച്ചത്. മാലിന്യം കൊണ്ടു പോകുന്ന ടാങ്കർ ലോറിയുടെ ഉടമയാണ് മരിച്ച വിപിൻ ലാൽ. സംഭവത്തിൽ പൊലീസ് അന്വേഷണം ഊർജ്ജിതമാക്കിയിട്ടുണ്ട്.