സദ്ഗമയ കലാരത്നം 2024പുരസ്‌കാരം നീലേശ്വരം പ്രമോദ് മാരാര്‍ക്ക്
നീലേശ്വരം: കലകള്‍ പരിപോഷിപ്പിക്കുക ,കലാകാരന്മാരെ ആദരിക്കുകയും പ്രോത്സാഹിപ്പി ക്കുകയും ചെയ്യുക, അനുഷ്ഠാന കലകളെ തനത് രീതിയില്‍ സംരക്ഷിക്കുക, സര്‍ഗാത്മകത പ്രോത്സാഹിപ്പിക്കാന്‍ ഉതകുന്ന രചനകള്‍ പ്രസിദ്ധീകരിക്കുക,
സാമൂഹിക സാംസ്‌കാരിക സേവന മേഖലയില്‍ സജീവ സാന്നിധ്യമായി നിലകൊണ്ട് നാടിന്റെ പുരോഗതിയില്‍ ഭാഗവാക്കാകുക തുടങ്ങി നിരവധി ഉദ്ദേശ ലക്ഷ്യങ്ങളോടെ സംസ്ഥാന തലത്തില്‍ രൂപീകരിച്ച് പ്രവര്‍ത്തനം ആരംഭിച്ച സമിതിയാണ്സദ്ഗമയ സംസ്‌കാരിക സമിതി.
വിവിധ മേഖലയില്‍ വ്യക്തി മുദ്ര പതിപ്പിച്ചവരെ ആദരിക്കുന്നതിനായി സമിതി ഏര്‍പ്പെടുത്തിയ പുരസ്‌കാരങ്ങളില്‍ കലാരത്നം ൨൦൨൪ പ്രഥമ പുരസ്‌കാരംവാദ്യ കലയില്‍ 40 വര്‍ഷം പൂര്‍ത്തിയാക്കിയ പ്രമോദ് മാരാര്‍ നീലേശ്വരം അര്‍ഹനായി.
പുരസ്‌കാരം നീലേശ്വരം പാലസ് ഗ്രൗണ്ടില്‍ വച്ച് നടന്ന അമൃദം പ്രമോദം വേദിയില്‍ വച്ച് പ്രശസ്ത സിനിമ - സീരിയല്‍ താരം രചന നാരായണന്‍കുട്ടി പ്രമോദ് മാരാര്‍ക്ക് നല്‍കി പൊന്നാട അണിയിച്ച് ആദരിച്ചു.