ഐ.എഫ്.എഫ് ഫാഷന്‍ എക്‌സ്‌പോ 2025ന്റെ ക്യാമ്പയിന്‍ കൊച്ചി മറൈന്‍ ഡ്രൈവില്‍
കേരളത്തിലെ ഏറ്റവും വലിയ ഫാഷന്‍ പരിപാടിയായ ഐ.എഫ്.എഫ് ഫാഷന്‍ എക്‌സ്‌പോ 2025ന് മുന്നോടിയായുള്ള പ്രചാരണ പരിപാടികള്‍ കൊച്ചിയിലെ മറൈന്‍ ഡ്രൈവില്‍ ഫ്‌ലാഗ് ഓഫ് ചെയ്തു. ജനുവരി ഏഴിന് രാവിലെ 11 മണിക്ക് പൊതുമരാമത്ത്, ടൂറിസം വകുപ്പ് മന്ത്രി മുഹമ്മദ് റിയാസ് ഐ.എഫ്.എഫ് ഫാഷന്‍ എക്‌സ്‌പോ 2025 ഉദ്ഘാടനം ചെയ്യും. അതിന് മുന്നോടിയായി ഐ.എഫ്.എഫ് എക്‌സ്‌പോയുടെ പ്രത്യേക ബ്രാന്‍ഡിംഗ് കൊണ്ട് അലങ്കരിച്ചിട്ടുള്ള കാറുകളില്‍ 55 അംഗ സംഘം കേരളത്തിലെ എല്ലാ ജില്ലകളിലും വരുംദിവസങ്ങളില്‍ സന്ദര്‍ശനത്തിനെത്തും.
വസ്ത്ര വ്യാപാര രംഗത്തെ അറിയപ്പെടുന്ന വ്യക്തിത്വങ്ങളായ സമീര്‍ (വെഡ്ലാന്‍ഡ് വെഡിങ്‌സ് , ഖിദാശ് അഷ്റഫ് (ഗ്രാന്‍ഡ് തേജസ്), നവാബ് ജാന്‍ (പ്രിന്‍സ് പട്ടുപാവാട), ജോണ്‍സന്‍ പറവൂര്‍ (നമ്പര്‍ വണ്‍ വെഡ്ഡിങ്), സാക്കിര്‍ (ഫിസ), സജീര്‍ (കസവ് കേന്ദ്ര വെഡ്ഡിങ്), അഷ്റഫ് (ചാരുത സില്‍ക്സ്), അനില്‍ (സുവര്‍ണരാഗം വെഡ്ഡിങ്സ്), നൗഷാദ് (ഡ്രസ്സ് വേള്‍ഡ്), ചിന്തന്‍ കെ. ഭാട്ടിയ (ജി.എച്ച്. ഏജന്‍സീസ്) എന്നിവര്‍ ക്യാമ്പയിനിന്റെ ഭാഗമാണ്.
ഐ.എഫ്.എഫ് എക്‌സ്‌പോയുടെ സംഘാടക സമിതി അംഗങ്ങളായ സാദിഖ് (ചെയര്‍മാന്‍), സമീര്‍ മൂപ്പന്‍ (കണ്‍വീനര്‍), ഷാനവാസ് (ജോയിന്റ് കണ്‍വീനര്‍), ഷാനിര്‍ (വൈസ് ചെയര്‍മാന്‍), ഷഫീക് (പ്രോഗ്രാം ഡയറക്ടര്‍) എന്നിവര്‍ ഫ്‌ലാഗ് ഓഫ് ചടങ്ങില്‍ സന്നിഹിതരായിരുന്നു.
ഇന്ത്യന്‍ ഫാഷന്‍ ഫെയറിന്റെ ബാനറില്‍ നടക്കുന്ന ഫാഷന്‍ എക്‌സ്‌പോയുടെ മൂന്നാം പതിപ്പാണ് ഇക്കൊല്ലം നടക്കാനിരിക്കുന്നത്. ജനുവരി 7, 8, 9 തീയതികളില്‍ അങ്കമാലിയിലെ അഡ്ലക്‌സ് കണ്‍വെന്‍ഷന്‍ സെന്ററിലാണ് പരിപാടി. വിദേശബ്രാന്‍ഡുകള്‍ ഉള്‍പ്പെടെ, 130ഓളം പ്രമുഖ ഡിസൈനര്‍ ഒരുക്കുന്ന 180 സ്റ്റാളുകളാണ് ഇതുവരെ രജിസ്റ്റര്‍ ചെയ്തിട്ടുള്ളത്.