മൂന്നാനി ഗാന്ധിസ്‌ക്വയറില്‍ രക്തസാക്ഷിത്വദിനാചരണം നാളെ; റോഷിണി തോംസണ്‍ ഐ എഫ് എസ് ഉദ്ഘാടനം ചെയ്യും
By : സ്വന്തം ലേഖകൻ
Update: 2025-01-29 10:25 GMT
പാലാ: മഹാത്മാഗാന്ധി നാഷണല്‍ ഫൗണ്ടേഷന്റെ ആഭിമുഖ്യത്തില്‍ നാളെ (30/01/2025) മൂന്നാനി ഗാന്ധി സ്‌ക്വയറില്‍ രക്തസാക്ഷിത്വ- വിശ്വശാന്തി ദിനാചരണം സംഘടിപ്പിക്കും. രാവിലെ 10 ന് ശ്രീലങ്കയിലെ ഇന്ത്യന്‍ ഹൈക്കമ്മീഷനിലെ ഫസ്റ്റ് സെക്രട്ടറി റോഷിണി തോംസണ്‍ ഉദ്ഘാടനം ചെയ്യും. ഫൗണ്ടേഷന്‍ ചെയര്‍മാന്‍ എബി ജെ ജോസ് അധ്യക്ഷത വഹിക്കും.
മുനിസിപ്പല്‍ ചെയര്‍മാന്‍ ഷാജു തുരുത്തന്‍, പാലാ ഡി വൈ എസ് പി കെ സദന്‍, ചാവറ പബ്‌ളിക് സ്‌കൂള്‍ പ്രിന്‍സിപ്പല്‍ ഫാ സാബു കൂടപ്പാട്ട്, മുനിസിപ്പല്‍ കൗണ്‍സിലര്‍ സിജി ടോണി, ഡോ സിന്ധുമോള്‍ ജേക്കബ്, സാംജി പഴേപറമ്പില്‍ തുടങ്ങിയവര്‍ പ്രസംഗിക്കും. തുടര്‍ന്ന് മഹാത്മാഗാന്ധി പ്രതിമയില്‍ പുഷ്പാര്‍ച്ചനയും നടക്കും.