പതിമൂന്നാമത് പ്രതിധ്വനി ക്വിസ ഫിലിം ഫെസ്റ്റിവലിന് ടെക്‌നോപാര്‍ക്കില്‍ സമാപനം ; സൂര്യ കൃഷ്ണമൂര്‍ത്തി അവാര്‍ഡുകള്‍ വിതരണം ചെയ്തു
ഐ ടി ജീവനക്കാരുടെ ക്ഷേമ സംഘടന, പ്രതിധ്വനികേരള വിഷന്റെ സഹകരണത്തോടു കൂടി നടത്തിയ പതിമൂന്നാമത് ക്വിസ ഫിലിം ഫെസ്റ്റിവലിന് ടെക്‌നോപാര്‍ക് ട്രാവന്‍കൂര്‍ ഹാളില്‍ പ്രൗഡ ഗംഭീര സമാപനം. ഐ ടി ജീവനക്കാര്‍ സംവിധാനം ചെയ്ത 32 ലഘു ചിത്രങ്ങള്‍ ആണ് മേളയുടെ ഭാഗമായി പ്രദര്‍ശിപ്പിച്ചത്.
പ്രശസ്ത ഡബ്ബിങ് ആര്‍ട്ടിസ്റ്റും ചലച്ചിത്ര താരവുമായ പ്രൊഫ.അലിയാര്‍ ചെയര്‍മാനും സംവിധായകന്‍ പ്രശാന്ത് വിജയ്, ചലച്ചിത്ര താരം പ്രദീപ് കുമാര്‍ എന്നിവര്‍ അംഗങ്ങളുമായ ജൂറി ചിത്രങ്ങള്‍ വിലയിരുത്തി . പ്രതിധ്വനി ഫിലിം ക്ലബ് ജോയിന്റ് കണ്‍വീനര്‍ മുഹമ്മദ് അനീഷ് അധ്യക്ഷനായ അവാര്‍ഡ് ദാന ചടങ്ങ് പ്രശസ്ത കലാകാരന്‍ ശ്രീ സൂര്യ കൃഷ്ണമൂര്‍ത്തി ഉദ്ഘാടനം നിര്‍വഹിച്ചു.
പ്രശസ്ത നിരൂപകന്‍ എം എഫ് തോമസ് മുഖ്യപ്രഭാഷണം നടത്തി. തുടര്‍ന്ന് ജൂറി ചെയര്‍മാന്‍ പ്രൊഫ അലിയാര്‍ അവാര്‍ഡുകള്‍ പ്രഖ്യാപിച്ചു. ശ്രീ സൂര്യ കൃഷ്ണമൂര്‍ത്തി വിജയികള്‍ക്ക് അവാര്‍ഡുകള്‍ വിതരണം ചെയ്തു. ഫെസ്റ്റിവല്‍ ഡയറക്ടര്‍ രോഹിത് കെ സ്വാഗതം ആശംസിച്ച ചടങ്ങില്‍ പ്രതിധ്വനി പ്രസിഡന്റ് വിഷ്ണു രാജേന്ദ്രനും പ്രതിധ്വനി സ്റ്റേറ്റ് കണ്‍വീനര്‍ രാജീവ് കൃഷ്ണനും സംസാരിച്ചു. ഫെസ്റ്റിവല്‍ ജനറല്‍ കണ്‍വീനര്‍ ഹരി എസ് നന്ദി രേഖപ്പെടുത്തി.
PQFF 2024 അവാര്‍ഡുകള്‍ :
മികച്ച ചിത്രം :പാറ്റേണ്‍സ് (സംവിധാനം - രാജ് ഗോവിന്ദ് Entri Software Pvt , Kochi)
മികച്ച രണ്ടാമത്തെ ചിത്രം : Cubicled(സംവിധാനം - മഹേഷ് മാനസ് IBM, Kochi)
മികച്ച സംവിധായകന്‍ : അഖില്‍ ഗോവിന്ദ് EY, Kochi(ചിത്രം മണികണ്ഠന്‍ )
മികച്ച തിരക്കഥ : രാകേഷ് ഗോപാലകൃഷ്ണന്‍ UST, Trivandrum (ചിത്രം അഥര്‍വം )
മികച്ച ഛായാഗ്രഹണം :ജോണ്‍ പോള്‍ മാത്യു (ചിത്രം How are you..?)
മികച്ച എഡിറ്റര്‍ : നിഖില്‍ സുദര്‍ശന്‍ (ചിത്രം പാറ്റേണ്‍സ് )
അഭിമന്യു രാമനന്ദന്‍ മെമ്മോറിയല്‍ മികച്ച നടനുള്ള അവാര്‍ഡ് : അനുമോദ് സാഗര്‍ ,Infosys, Trivandrum (ചിത്രം കിന്റസുഗി )
അഭിമന്യു രാമനന്ദന്‍ മെമ്മോറിയല്‍ മികച്ച നടിക്കുള്ള അവാര്‍ഡ് : ധന്യ പാര്‍വതി ,Strada Global, Kochi (ചിത്രം Beyond The Door)
വ്യൂവേഴ്‌സ് ചോയ്‌സ് അവാര്‍ഡ് - ദ്വയം (സംവിധാനം അമല്‍ , Ainsurtech, Trivandrum)
പ്രദീപ് ജോസഫ്-UST (ചിത്രം പാറ്റേണ്‍സ് ), വിനോദ് കുമാര്‍ രാജന്‍ ((ചിത്രം മണികണ്ഠന്‍ ) എന്നിവര്‍ അഭിനയത്തിന് ജൂറിയുടെ പ്രത്യേക പരാമര്‍ശം ഏറ്റുവാങ്ങി.
അവാര്‍ഡ് ജേതാക്കള്‍ക്കും പങ്കെടുത്തവര്‍ക്കും പ്രതിധ്വനിയുടെ അഭിനന്ദനങ്ങള്‍. ..പതിമൂന്നാം തവണയും ഐ ടി ജീവനക്കാരുടെ ഫിലിം ഫെസ്റ്റിവല്‍ PQFF ഗംഭീരമാക്ക പ്രിയപ്പെട്ട സിനിമ പ്രേമികള്‍ക്കു പ്രതിധ്വനിയുടെ നന്ദി