ഒന്റാറിയോയില്‍ ടോം എറത്തിന്റെ മുത്തിയമ്മ കവിത സമാഹാരം പ്രകാശനം ചെയ്തു
പ്രവാസി എഴുത്തുകാരനും കവിയുമായ ടോം എറത്തിന്റെ മുത്തിയമ്മ എന്ന കവിത സമാഹാരം പ്രശസ്ത സംവിധായകനും കലാകാരനുമായ ടോമിന്‍ ഡിസില്‍വയും , റെവ.ഫാദര്‍ ബോബി ജോയിയും ചേര്‍ന്ന് പ്രകാശനം ചെയ്തു . ഒന്റാറിയോയില്‍ ഗള്‍ഫ് സിറ്റിയില്‍ നടന്ന ചടങ്ങില്‍ വെച്ചാണ് പ്രകാശനം നിര്‍വഹിച്ചത്
കാനഡയില്‍ നിന്നും ചാര്‍ട്ടേര്‍ഡ് അക്കൗണ്ടന്റായി (CPA,) ഇപ്പോള്‍ ജോലി ചെയ്യുന്ന ടോം ഏറത്തുകവി , കഥാകൃത്തു, സാഹിത്യ കല രംഗങ്ങളില്‍ സജീവമായി നില്‍ക്കുന്ന ആളാണ്. സന്ധ്യയായി ഉഷസായി ഒന്നാം ദിവസം എന്ന നോവലിന്റെ രചയിതാവ് ,കൂടാതെ ആനുകാലിക പ്രസിദ്ധീകരണങ്ങളില്‍ കഥ, കവിത എന്നിവ പ്രസിദ്ധീകരിച്ചിട്ടുണ്ട് .
മുത്തിയമ്മ എന്നുള്ളതു പതിനാലു കവിതകളുടെ ഒരു സമാഹാരമാണ് . അതില്‍ ഏറ്റവും വലിയ ഒരു കവിതയാണ് മുത്തിയമ്മ . സമൂഹത്തില്‍ പണ്ടും ഇപ്പോളും നടമാടിക്കൊണ്ടിരിക്കുന്ന ചില അന്ധ വിശ്വാസങ്ങളും അനാചാരങ്ങളും , അതോടൊപ്പം ചൂഷണവും എങ്ങനെ പാവപെട്ട മനുഷ്യമനസുകളെ സ്വാധീനിക്കുന്നു എന്ന് ഈ കവിതയില്‍ കാണാവുന്നതാണ് . നല്ല നനുനനുത്ത മഞ്ഞിന്‍ കണങ്ങള്‍ വീഴുന്നത് ദുരെ നിന്നും കാണുവാന്‍ നല്ല രസമാണ്. , അപ്പോള്‍ പലതരം ഓര്‍മ്മകള്‍ ഓടിയെത്തും , ചെറുപ്പകാലവും , നമ്മുടെ ഇല്ലായ്മകളും , പ്രശനങ്ങളുമെല്ലാം അവിടെ അലിഞ്ഞു ഇല്ലാതെയാകുന്നു. അതുപോലെ തന്നെ വര്ഷങ്ങളായി കേരളത്തിലെ ഒരു കൂട്ടം ജനതയുടെ ജീവിതം. കാര്‍ന്നുതിന്നുന്ന ഒന്നാണ് മുല്ലപെരിയാര്‍ . കേരളത്തില്‍ ഒരു പുതിയ ജലാശയം അത് മുല്ലപ്പെരിയാറില്‍ കെട്ടിപ്പടുക്കണം എന്നത് എല്ലാവരുടെയും ആവശ്യമാണ് . ഇവിടെ ഈ ചെറിയ കവിതയില്‍ അത് വളരെ അടിവരയിട്ടു പറയുന്നു . ഇനിയെങ്കിലും കേരള ജനതയും ഭരണ കുടവും ഒന്നിച്ചു നില്‍ക്കും എന്ന് പ്രത്യാശിക്കാംഗീതകം ബുക്ക്‌സ് ആണ് കവിത സമാഹാരം പബ്ലിഷ് ചെയ്തത്