പുതിയ കേസ് ഏറ്റെടുത്ത് 'ഡീറ്റക്റ്റീവ് ഉജ്ജ്വലൻ'; ധ്യാൻ ശ്രീനിവാസനോടൊപ്പം അൽ അമീൻ ഗ്യാങും; ക്യാരക്ടർ ലുക്ക് പോസ്റ്റർ പുറത്ത്
ഏറെ പ്രേക്ഷക നിരൂപക ശ്രദ്ധ പിടിച്ചു പറ്റിയ ടോവിനോ തോമസ് ചിത്രമായിരുന്നു 'മിന്നൽ മുരളി'. ബോക്സ് ഓഫിസിൽ തരംഗം തീർത്ത ചിത്രം പാൻ ഇന്ത്യൻ തലത്തിൽ ചർച്ചയായിരുന്നു. ഇപ്പോളിതാ 'മിന്നൽ മുരളി'യിൽ നിന്നും ഒരു സ്പിൻ ഓഫ് ക്യാരക്ടർ സിനിമയായി എത്തുകയാണ്. വീക്കെൻഡ് സിനിമാറ്റിക് യൂണിവേഴ്സിൽ ഒരുങ്ങുന്ന 'ഡീറ്റക്റ്റീവ് ഉജ്ജ്വലൻ' എന്ന ചിത്രത്തിന്റെ ക്യാരക്ടർ ലുക്ക് പോസ്റ്റർ പുറത്ത് വിട്ടിരിക്കുകയാണ് അണിയറ പ്രവർത്തകർ.
ധ്യാൻ ശ്രീനിവാസൻ നായകനായി എത്തുന്ന ചിത്രത്തിൽ സോഷ്യൽ മീഡിയ ഉപയോക്താക്കൾക്ക് ഏറെ സുപരിചിതരായ അൽ അമീൻ ഗ്യാങും എത്തുന്നുണ്ട്. അമീൻ, നിഹാൽ നിസാം, നിബ്രാസ് നൗഷാദ്, ഷാഹുബാസ് എന്നിവരടങ്ങുന്ന പോസ്റ്ററാണ് പുറത്ത് വന്നത്.
സോഫിയ പോൾ നേതൃത്വം നൽകുന്ന വീക്കെൻഡ് ബ്ലോക്ക്ബസ്റ്റേഴ്സ് നിർമിക്കുന്ന ചിത്രമാണ് 'ഡീറ്റക്റ്റീവ് ഉജ്ജ്വലൻ'. ഇന്ദ്രനീൽ ഗോപീകൃഷ്ണൻ, രാഹുൽ ജി എന്നിവർ ചേർന്ന് രചിച്ച് സംവിധാനം ചെയ്യുന്ന ചിത്രം കൂടിയാണിത്. ഡീറ്റക്റ്റീവ് ഉജ്ജ്വലന്റെ പുതിയ കേസ് അന്വേഷണമാണ് ചിത്രത്തിന്റെ ഇതിവൃത്തം. ചമൻ ചാക്കോ എഡിറ്റിംഗ് നിർവഹിക്കുന്ന ഈ ചിത്രത്തിന് വേണ്ടി സംഗീതമൊരുക്കുന്നത് റമീസ് ആർസീ ആണ്.
പ്രേം അക്കാട്ടു, ശ്രയാന്റി എന്നിവർ ചേർന്ന് കാമറ ചലിപ്പിക്കുന്ന ഈ ചിത്രത്തിന്റെ സൗണ്ട് ഡിസൈനർ സച്ചിൻ സുധാകരൻ ആണ്. സൗണ്ട് എൻജിനീയർ അരവിന്ദ് മേനോൻ, കലാസംവിധാനം അബ്ദുല്ല കോയ, വസ്ത്രാലങ്കാരം നിസാർ റഹ്‍മത്, മേക്കപ്പ് ഷാജി പുൽപള്ളി, ഡിജിറ്റൽ മാർക്കറ്റിംഗ് അനൂപ് സുന്ദരൻ, പി ആർ ഒ ശബരി.