സോഷ്യൽ മീഡിയ ഭരിക്കുമെന്നുറപ്പ്; പ്രേക്ഷകരെ ആവേശത്തിലാഴ്ത്തി 'ബ്രോമാൻസ്' ഗാനം; യൂത്തിന്റെ വൈബിൽ പൊളിച്ചടുക്കി 'ലോക്കൽ ജെൻ-സി ആന്തം'

കൊച്ചി: പ്രൊമോഷണൽ മെറ്റീരിയലുകൾ പുറത്ത് വന്നതോടെ വലിയ ശ്രദ്ധനേടിയ ചിത്രമാണ് 'ബ്രോമാൻസ്'. ജോ ആൻഡ് ജോ എന്ന ചിത്രത്തിലൂടെ ശ്രദ്ധ നേടിയ സംവിധായകനാണ് അരുൺ ഡി ജോസ് ഒരുക്കുന്ന മൂന്നാമത്തെ ചിത്രമാണിത്. മലയാളത്തിലെ ഒരുപിടി മികച്ച യുവതാരങ്ങളെ അണിനിരത്തി ഒരുക്കുന്ന ചിത്രം ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ് നിർമ്മിക്കുന്നത്. ചിത്രത്തിൽ അർജുൻ അശോകൻ, മാത്യു തോമസ്, മഹിമ നമ്പ്യാർ എന്നിവർ പ്രധാന വേഷങ്ങളിൽ എത്തുന്നു. വലിയ പ്രതീക്ഷയോടെയാണ് ചിത്രം പ്രേക്ഷകർക്ക് മുന്നിലെത്തുന്നത്. ഇപ്പോഴിതാ പ്രേക്ഷകരെ ആവേശത്തിലാഴ്ത്തി ചിത്രത്തിന്റെ തകർപ്പൻ ഗാനം പുറത്ത് വിട്ടിരിക്കുകയാണ് അണിയറ പ്രവർത്തകർ.

യൂത്തിന്റെ വൈബ് പിടിച്ചുള്ള ലോക്കൽ ജെൻ-സി ആന്തം എന്ന പേരിലാണ് ഗാനം എത്തിയിരിക്കുന്നത്. ഗാനത്തിന് സംഗീതം നല്‍കിയിരിക്കുന്നത് ഗോവിന്ദ് വസന്ത ആണ്. രചന സുഹൈല്‍ കോയ. ശിഖ പ്രഭാകറും ശരത് മണ്ണാര്‍ക്കാടും ഗോവിന്ദ് വസന്തയും ചേര്‍ന്നാലപിച്ച ലോക്കല്‍ gen z-ക്ക് അടുത്ത ട്രെന്‍ഡിംഗ് ഡാന്‍സ് നമ്പര്‍ ആവാനുള്ള സകല ചേരുവകളും ഉണ്ട്.

ബിനു പപ്പു, കലാഭവൻ ഷാജോൺ, ശ്യാം മോഹൻ തുടങ്ങിയവും ചിത്രത്തിലെ പ്രധാന കഥാപാത്രങ്ങളായെത്തുന്നുണ്ട്. 18+ എന്നീ ചിത്രങ്ങൾക്ക് ശേഷം അരുൺ ഡി ജോസ് സംവിധാനം ചെയ്യുന്ന ചിത്രമാണ് ബ്രോമാൻസ്. അരുൺ ഡി ജോസ്, തോമസ് പി സെബാസ്റ്റ്യൻ, രവീഷ് നാഥ് എന്നിവർ ചേർന്നാണ് തിരക്കഥ, സംഭാഷണം എഴുതുന്നത്. അഖിൽ ജോർജ് ഛായാഗ്രഹണം നിർവ്വഹിക്കുന്നു. ചിത്രം ഫെബ്രുവരി 14-ന് റിലീസ് ചെയ്യമെന്നാണ് സൂചന.

എഡിറ്റിം​ഗ് ചമൻ ചാക്കോ, സംഗീതം ഗോവിന്ദ് വസന്ത, പ്രൊഡക്ഷൻ കൺട്രോളർ സുധാർമ്മൻ വള്ളിക്കുന്ന്, മേക്കപ്പ് റോണക്‌സ് സേവ്യർ, കോസ്റ്റ്യൂംസ് മഷർ ഹംസ, കലാസംവിധാനം നിമേഷ് എം താനൂർ, ചീഫ് അസോസിയേറ്റ് ഡയറക്ടർ റെജിവാൻ അബ്ദുൽ ബഷീർ, പ്രൊഡക്ഷൻ എക്സിക്യൂട്ടീവ് സജി പുതുപ്പള്ളി, പ്രൊഡക്ഷൻ മാനേജർ സുജിത്, ഹിരൺ, ഡിസൈൻസ് യെല്ലോ ടൂത്ത്, സ്റ്റിൽസ് വിഘ്‌നേശ്, കണ്ടെന്റ് & മാർക്കറ്റിംഗ് ഡിസൈൻ പപ്പെറ്റ് മീഡിയ, പി ആർ ഒ- എ എസ് ദിനേശ്.