ബോളിവുഡ് അരങ്ങേറ്റം തകർക്കും; വരുൺ ധവാനൊപ്പം ഗ്ലാമറസായി കീർത്തി സുരേഷ്; 'ബേബി ജോൺ' ഗാനത്തിന്‍റെ പ്രമോ പുറത്ത്
മുംബൈ: മലയാളികളുടെ പ്രിയ നായികയാണ് കീർത്തി സുരേഷ്. മലയാളത്തിൽ അരങ്ങേറിയ താരം മോളിവുഡിന് പുറമെ തമിഴ്, തെലുങ്ക് ചിത്രങ്ങളിലും നായികയായി ശ്രദ്ധ നേടി. താരം ആദ്യമായി ബോളിവുഡിൽ അഭിനയിക്കുന്ന ചിത്രമാണ് 'ബേബി ജോൺ'. ളപതി വിജയ്‌യുടെ തെറിയാണ് ബോളിവുഡ് ചിത്രമായി റീമേക്ക് ചെയ്യുന്നത്. വരുണ്‍ ധവാനാണ് നായകനായി എത്തുന്നത്.
ഇപ്പോഴിതാ ചിത്രത്തിന്റെ പുതിയ അപ്ഡേറ്റുമായി എത്തിയിരിക്കുകയാണ് അണിയറ പ്രവർത്തകർ. ബേബി ജോണിലെ ഗാനത്തിന്‍റെ പ്രമോ പുറത്ത് വിട്ടിരിക്കുകയാണ്. നവംബര്‍ 25ന് ഗാനം പുറത്തിറങ്ങും. അതീവ ഗ്ലാമറസയാണ് കീര്‍ത്തി സുരേഷ് ഈ അടിപൊളി ഗാനത്തില്‍ എത്തുന്നത് എന്നാണ് പ്രമോ നല്‍കുന്ന സൂചന. നെത്തിന്ത്യന്‍ സംഗീത സംവിധായകന്‍ തമന്‍ ആണ് ഗാനം ഒരുക്കിയിരിക്കുന്നത്. ദിൽജിത് ദോസഞ്ജും ദീയും ചേര്‍ന്നാണ് ഗാനം ആലപിച്ചിരിക്കുന്നത്.
ആക്ഷന് ഏറെ പ്രാധാന്യം നൽകി ഒരുക്കുന്ന ബേബി ജോണിന്റെ സംവിധാനം എ കാലീസ്വരനാണ്. ചിത്രത്തില്‍ വരുണ്‍ ധവാന്‍ കീര്‍ത്തി സുരേഷ് എന്നിവര്‍ക്ക് പുറമേ വാമിഖ ഗബ്ബി, ജാക്കി ഷ്രോഫ്, സാക്കിര്‍ ഹുസൈൻ, രാജ്‍പാല്‍ യാദവ്, സാന്യ മല്‍ഹോത്ര എന്നിവരും ഉണ്ട്. തമിഴിൽ വലിയ വിജയം നേടിയ ചിത്രം ബോളിവുഡിക്കെത്തുമ്പോൾ വമ്പൻ പ്രതീക്ഷയിലാണ് ആരാധകർ. 'തെറി' സംവിധാനം ചെയ്ത അറ്റ്ലിയാണ് ഹിന്ദിയില്‍ ചിത്രം നിര്‍മ്മിക്കുന്നത്. ജിയോ സ്റ്റുഡിയോസ്, സിനി 1 പ്ലസ് എന്നിവരും സഹ നിര്‍മ്മാതാക്കളായി പ്രവർത്തിക്കുന്നുണ്ട്. ഇതിനകം തന്നെ ഗാനത്തിന്‍റെ പ്രമോ വൈറലായിട്ടുണ്ട്.