പെരുമാൾ വാത്തിയാർ റെഡി; വിജയ് സേതുപതിക്കൊപ്പം തകർപ്പൻ പ്രകടനവുമായി മഞ്ജു വാര്യർ; വെട്രിമാരൻ ചിത്രം വിടുതലൈ 2 വിന്റെ ട്രെയ്‌ലർ പുറത്ത്
ചെന്നൈ: തെന്നിന്ത്യയിലെ മികച്ച സംവിധായകരിൽ മുൻനിരയിലാണ് വെട്രിമാരൻ. സംവിധാനം ചെയ്ത ചിത്രങ്ങൾക്കെല്ലാം മികച്ച നിരൂപക പ്രശംസയും പിടിച്ച് പറ്റുന്നതിനോടൊപ്പം വാണിജ്യ വിജയം നേടാൻ കഴിഞ്ഞിരുന്നു. ആരാധകർ വലിയ പ്രതീക്ഷയോടെ കാത്തിരിക്കുന്ന വെട്രിമാരൻ ചിത്രമാണ് വിടുതലൈ പാർട്ട് 2. സൂരി ഗംഭീര പ്രകടവുമായി ശ്രദ്ധപിടിച്ചു പറ്റിയ ചിത്രത്തിന്റെ രണ്ടാം ഭാഗത്തിന്റെ അപ്പ്ഡേറ്റുകളാണ് ഇപ്പോൾ പുറത്ത് വരുന്നത്. രണ്ടാം ഭാഗത്തിൽ വിജയ് സേതുപതി അവതരിപ്പിച്ച പെരുമാൾ വാത്തിയാർ എന്ന കഥാപാത്രത്തിന്റെ ഫ്ലാഷ് ബാക്കാണ് പറയുന്നത്.
അധ:സ്ഥിതർക്ക് വേണ്ടി പോരാടുന്ന നേതാവായി വിജയ് സേതുപതി എത്തുന്ന ചിത്രത്തിൽ സൂര്യയും ഗംഭീര പ്രകടവുമായി ഒപ്പമുണ്ടാകുമെന്ന് ട്രെയിലർ ഉറപ്പു നൽകുന്നു. കൂടാതെ മഞ്ജു വാര്യരുടെ ശക്തയായ സ്ത്രീ കഥാപാത്രമാകുമിതെന്നും സൂചനയുണ്ട്. ചിത്രം, 2024 ഡിസംബർ 20ന് തിയേറ്ററുകളിലേക്കെത്തും.
ചെന്നൈയിൽ ഇളയരാജ, വിജയ് സേതുപതി, വെട്രിമാരൻ,സൂരി, പീറ്റർ ഹെയ്ൻ തുടങ്ങി സിനിമയിലെ താരങ്ങളും മറ്റു വിശിഷ്ട അതിഥികളും ചേർന്ന താര സമ്പന്നമായ ചടങ്ങിലാണ് ചിത്രത്തിന്റെ ട്രെയിലറും ഗാനങ്ങളും റിലീസ് ചെയ്തത്‌. അനുരാഗ് കശ്യപ്, കിഷോർ, ഗൗതം വാസുദേവ് മേനോൻ, രാജീവ് മേനോൻ, ചേതൻ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ആർ.വേൽരാജ് ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ രാമർ ആണ്.
ആർ എസ് ഇൻഫോടൈൻമെന്റിന്റെ ബാനറിൽ എൽറെഡ് കുമാറാണ് വിടുതലൈ രണ്ടാം ഭാഗത്തിന്റെ നിർമ്മാണം നിർവഹിക്കുന്നത്. വിടുതലൈ പാർട്ട് 2ന്റെ സംഗീത സംവിധാനം ഇളയരാജയാണ്. ചിത്രത്തിന്റെ കേരളാ വിതരണാവകാശം വൈഗ എന്റർപ്രൈസസ് മെറിലാൻഡ് റിലീസസ് ആണ്.
വിടുതലൈ 2വിന്റെ കലാസംവിധാനം ജാക്കി, കോസ്റ്റ്യൂം ഡിസൈനർ ഉത്തര മേനോൻ, സ്റ്റണ്ട്സ് പീറ്റർ ഹെയ്ൻ & സ്റ്റണ്ട് ശിവ, സൗണ്ട് ഡിസൈൻ ടി. ഉദയകുമാർ, വി എഫ് എക്സ് ആർ ഹരിഹരസുദൻ, പി.ആർ.ഓ ആൻഡ് മാർക്കറ്റിംഗ് കൺസൾട്ടന്റ് പ്രതീഷ് ശേഖർ എന്നിവരാണ് മറ്റ് അണിയറ പ്രവർത്തകർ. മഞ്ജു വാര്യരുടെ നാലാമത്തെ തമിഴ് സിനിമ കൂടിയാണ് വിടുതലൈ 2.