ഷഹ്മോൻ ബി പറേലിൽ ഒരുക്കുന്ന 'വവ്വാൽ'; ആക്ഷൻ ത്രില്ലർ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്
കൊച്ചി: ഷഹ്മോൻ ബി പറേലിൽ സംവിധാനം ചെയ്യുന്ന 'വവ്വാൽ' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. അണിയറപ്രവർത്തകർ 'പൊയറ്റിക്കൽ ആക്ഷൻ ത്രില്ലർ' ഗണത്തിൽപ്പെടുത്തുന്ന ഈ ചിത്രത്തിൽ മലയാളത്തിലെയും മറ്റു ഭാഷകളിലെയും പ്രമുഖരടക്കം വലിയൊരു താരനിര അണിനിരക്കുന്നുണ്ട്. ചിത്രം നിർമ്മിക്കുന്നത് ഷാമോൻ പി.ബി.യാണ്.
മകരന്ദ് ദേശ്പാണ്ഡെ, അഭിമന്യു സിംഗ്, മുത്തു കുമാർ, ലെവിൻ സൈമൺ ജോസഫ്, ലക്ഷ്മി ചപോർക്കർ, പ്രവീൺ, മെറിൻ ജോസ്, മണികണ്ഠൻ ആചാരി, സുധി കോപ്പ, ദിനേശ് ആലപ്പി, ഗോകുലൻ, ഷഫീഖ്, ജയകുമാർ കരിമുട്ടം, മൻരാജ്, ശ്രീജിത്ത് രവി, ജോജി കെ ജോൺ എന്നിവരുൾപ്പെടെ മുപ്പതോളം താരങ്ങളാണ് ചിത്രത്തിൽ പ്രധാന വേഷങ്ങളിലെത്തുന്നത്. മനോജ് എം.ജെ. ഛായാഗ്രഹണം നിർവഹിക്കുന്നു. ഫാസിൽ പി ഷഹ്മോൻ എഡിറ്റിംഗും ജോൺസൺ പീറ്റർ സംഗീതവും കൈകാര്യം ചെയ്യുന്നു.
കോ പ്രൊഡ്യൂസർ- സുരീന്ദർ യാദവ്, ഛായാഗ്രഹണം- മനോജ് എം ജെ, പ്രൊഡക്ഷൻ ഡിസൈനർ- ജോസഫ് നെല്ലിക്കൽ, ഗാനരചന- പി ബി എസ്, സുധാംശു, റീ റെക്കോർഡിങ് മിക്സർ- ഫസൽ എ ബക്കർ, പ്രൊഡക്ഷൻ കൺട്രോളർ- അനിൽ മാത്യു, മേക്കപ്പ്- സന്തോഷ് വെൺപകൽ, കോസ്റ്റ്യും ഡിസൈനർ - ഭക്തൻ മങ്ങാട്, കോറിയോഗ്രാഫി - അഭിലാഷ് കൊച്ചി, കളറിസ്റ്റ്- ലിജു പ്രഭാകർ, സംഘട്ടനം - നോക്കൗട്ട് നന്ദ, ചീഫ് അസോസിയേറ്റ് - ആഷിഖ് ദിൽജിത്ത്, സ്റ്റിൽസ്- രാഹുൽ തങ്കച്ചൻ, ഡിജിറ്റൽ മാർക്കറ്റിംഗ്- ഒപ്പറ, ഹോട്ട് ആന്റ് സോർ, ഡിസൈൻ - കോളിൻസ് ലിയോഫിൽ, പി ആർ ഒ- എ എസ് ദിനേശ്, സതീഷ് എരിയാളത്ത്, ഗുണ.