'പ്ലാച്ചി'യെ ഇനി എല്ലായിടത്തും കൊണ്ടുപോകുമെന്ന് ഉറക്കെപ്പറഞ്ഞ് അനുമോൾ; ഇത് കണ്ട് ആരും കല്ലെറിയാൻ വരണ്ടെന്നും മറുപടി; അത് 'മാൻഡ്രക്ക്' എന്നത് സത്യമോ?

ബിഗ് ബോസ് മലയാളം സീസൺ ഏഴ് അവസാനിച്ചതിന് ശേഷം നടി അനുമോൾ തൻ്റെ ആദ്യത്തെ വിദേശയാത്ര ദുബായിലേക്ക് പോയ വിശേഷങ്ങൾ വ്ലോഗിലൂടെ പങ്കുവെച്ചു. ഹൗസിൽ അനുവിന് ഏറെ പ്രിയപ്പെട്ട 'പ്ലാച്ചി' എന്ന പാവയും ഇത്തവണ യാത്രയിൽ ഒപ്പമുണ്ട്. ഇനി എവിടെ പോയാലും പ്ലാച്ചിയെ കൂടെ കൂട്ടാനാണ് തൻ്റെ തീരുമാനമെന്ന് അനു പറഞ്ഞു.

ബിഗ് ബോസ് ഹൗസിലായിരിക്കുമ്പോൾ സഹമത്സരാർത്ഥികൾ പ്ലാച്ചിയെ 'മാൻഡ്രക്ക്' പാവയെന്ന് വിശേഷിപ്പിക്കുകയും പ്ലാച്ചിയുമായി ബന്ധപ്പെട്ട് കൂടോത്ര കഥകൾ പ്രചരിക്കുകയും ചെയ്തിരുന്നു.

ദുബായിലെ തന്റെ ആരാധകരെ കാണുക എന്ന ലക്ഷ്യവും ഈ യാത്രയ്ക്കുണ്ട്. താൻ ദുബായിൽ ഒരു ഫാൻ മീറ്റ് സംഘടിപ്പിക്കുന്നുണ്ടെന്നും, എന്നാൽ തന്നെ വെറുക്കുന്നവരും തെറ്റിദ്ധാരണകൾ ഉള്ളവരും മീറ്റപ്പിൽ പങ്കെടുക്കാൻ വരരുത് എന്നും അനുമോൾ അപേക്ഷിച്ചു. തന്നെ ഇഷ്ടപ്പെടുന്നവർ മാത്രം വന്നാൽ മതിയെന്നും, കല്ലെറിയാൻ ആരും വരരുത് എന്നും താരം ആവശ്യപ്പെട്ടു.