അങ്ങനെ ഉള്ളവരെ കുറിച്ച് പറഞ്ഞിട്ട് കാര്യമില്ല; മറ്റൊരാൾക്ക് അത് എങ്ങനെ ഫീൽ ആകുമെന്ന് കൂടി അവർ ചിന്തിക്കില്ല; മനസ്സ് തുറന്ന് ഹണി റോസ്

ബോഡി ഷെയ്മിങ്ങിനെതിരെ രൂക്ഷമായ പ്രതികരണവുമായി നടി ഹണി റോസ് രംഗത്ത്. ശരീരത്തെ അധിക്ഷേപിക്കുന്നവർ അതിന്റെ മറുവശത്ത് ഇരിക്കുന്ന വ്യക്തിയുടെ മാനസികാവസ്ഥ എന്താണെന്ന് മനസ്സിലാക്കാത്തവരാണെന്ന് ഹണി റോസ് പറഞ്ഞു. നടി ഗൗരി കിഷന്റെ അനുഭവം ചൂണ്ടിക്കാട്ടിയാണ് അവർ ഈ അഭിപ്രായം പ്രകടിപ്പിച്ചത്. സ്ത്രീകളെ മോശമായി ചിത്രീകരിച്ച് അതിൽ നിന്ന് വരുമാനം നേടുന്ന പ്രവണതയെയും ഹണി റോസ് വിമർശിച്ചു.

ആനന്ദിനി ബാല സംവിധാനം ചെയ്യുന്ന 'റേച്ചൽ' ആണ് ഹണി റോസിന്റെ പുതിയ ചിത്രം. ഡിസംബർ 12-ന് തിയേറ്ററുകളിൽ എത്തുന്ന ഈ സിനിമയിൽ ഇറച്ചി വെട്ടുകാരിയുടെ തികച്ചും വ്യത്യസ്തമായ വേഷത്തിലാണ് ഹണി റോസ് എത്തുന്നത്. പോത്ത് ചന്തയിൽ നിൽക്കുന്ന നടിയുടെ ആദ്യ പോസ്റ്ററുകൾ വലിയ ശ്രദ്ധ നേടിയിരുന്നു. ഒരു റിവഞ്ച് ത്രില്ലറായി ഒരുങ്ങുന്ന ചിത്രം മലയാളത്തിന് പുറമെ കന്നഡ, തെലുങ്ക്, തമിഴ്, ഹിന്ദി ഭാഷകളിലും റിലീസ് ചെയ്യുന്നുണ്ട്. ബാബുരാജ്, റോഷൻ, ജാഫർ ഇടുക്കി തുടങ്ങിയവരും ചിത്രത്തിൽ പ്രധാന വേഷങ്ങളിലുണ്ട്.