'ഇതുവരെ കണ്ടിട്ടില്ലാത്ത ദൃശ്യാനുഭവം, മലയാള സിനിമയെ സങ്കൽപ്പിക്കാത്ത ഉയരങ്ങളിലേക്ക് എത്തിച്ചു'; ജയസൂര്യ ചിത്രം കത്തനാരിനെ പ്രശംസിച്ച് അഖിൽ സത്യൻ

കൊച്ചി: മലയാള സിനിമ ഇതുവരെ കണ്ടിട്ടില്ലാത്ത ദൃശ്യാനുഭവമായിരിക്കും ജയസൂര്യയെ നായകനാക്കി റോജിൻ തോമസ് സംവിധാനം ചെയ്യുന്ന ബ്രഹ്മാണ്ഡ ചിത്രം 'കത്തനാർ' എന്ന് സംവിധായകൻ അഖിൽ സത്യൻ. ചിത്രത്തിന്റെ ട്രെയിലർ കണ്ടതിന് ശേഷം തന്റെ സാമൂഹിക മാധ്യമ അക്കൗണ്ടിലൂടെയാണ് അഖിൽ സത്യൻ ഈ അഭിപ്രായം പങ്കുവെച്ചത്. ഏറെ ആകാംഷയോടെ കാത്തിരിക്കുന്ന ഈ ത്രീഡി ചിത്രത്തിന്റെ ട്രെയിലർ ഉടൻ പുറത്തിറങ്ങുമെന്നും സൂചനയുണ്ട്.

"കത്തനാറിന്റെ ട്രെയിലർ കാണാൻ ഇടയായി. മലയാള സിനിമ ഇതുവരെ കണ്ടിട്ടില്ലാത്ത തരത്തിലുള്ള ഒന്നാണിത്. വളരെ അതിശയിപ്പിക്കുന്ന ഒന്ന്," അഖിൽ സത്യൻ കുറിച്ചു. സംവിധായകൻ റോജിൻ തോമസിനെയും ഛായാഗ്രാഹകൻ നീൽ ഡി കുഞ്ഞയെയും പ്രശംസിച്ചുകൊണ്ട് അദ്ദേഹം കൂട്ടിച്ചേർത്തു: "നിങ്ങൾ എല്ലാവരും മലയാള സിനിമയെ ഞങ്ങൾ സങ്കൽപ്പിക്കാത്ത ഉയരങ്ങളിലേക്ക് എത്തിച്ചിരിക്കുന്നു." 'ഹോം' എന്ന സൂപ്പർഹിറ്റ് ചിത്രത്തിന് ശേഷം റോജിൻ തോമസ് സംവിധാനം ചെയ്യുന്ന ഈ ചിത്രം ഗോകുലം മൂവീസിന്റെ ബാനറിൽ ഗോകുലം ഗോപാലനാണ് നിർമ്മിക്കുന്നത്.

ജയസൂര്യ കത്തനാരായി എത്തുന്ന ചിത്രത്തിൽ അനുഷ്ക ഷെട്ടി, പ്രഭു ദേവ എന്നിവരും പ്രധാന വേഷങ്ങളിൽ എത്തുന്നുണ്ട്. റിപ്പോർട്ടുകൾ പ്രകാരം, 75 കോടി രൂപ ബജറ്റിൽ ഒരുങ്ങുന്ന ഈ ചിത്രം 15 ഭാഷകളിൽ റിലീസ് ചെയ്യും. ത്രീഡിയിൽ ഒരുങ്ങിയ ചിത്രത്തിന്റെ പ്രധാന ചിത്രീകരണം 2023-ൽ ആരംഭിച്ച്, 212 ദിവസങ്ങളിലായി ഏകദേശം 18 മാസമെടുത്താണ് പൂർത്തിയാക്കിയത്. പ്രേക്ഷകർ ആകാംഷയോടെ കാത്തിരിക്കുന്ന ഈ ചിത്രം ഈ വർഷം തന്നെ തിയറ്ററുകളിലെത്തുമെന്നാണ് പ്രതീക്ഷി.