ഇപ്പോ..വസ്ത്രങ്ങളും ഷൂസുമെല്ലാം ഞങ്ങൾ ഷെയർ ചെയ്യാറുണ്ട്; പക്ഷെ ഞാൻ അവളോട് പറയുന്നത് ഒരൊറ്റ കാര്യം മാത്രം; കഷ്ടപ്പെടാൻ ആരെയും ഞാൻ അനുവദിക്കില്ല; മകളെ കുറിച്ച് അമൃത സുരേഷ്

പ്രമുഖ ഗായിക അമൃത സുരേഷിന്റെ മകൾ പാപ്പു (അവന്തിക) നിയമ പഠനം തിരഞ്ഞെടുക്കാനുള്ള ആഗ്രഹം വെളിപ്പെടുത്തി. നീതി അർഹിക്കുന്ന മനുഷ്യർക്കുവേണ്ടി പോരാടണമെന്നാണ് പാപ്പുവിന്റെ ലക്ഷ്യം. തന്റെ ജീവിതത്തിൽ അമ്മ അമൃത നേരിട്ട പ്രതിസന്ധികൾ മകളുടെ ഈ തീരുമാനത്തിന് ഒരു കാരണമായിട്ടുണ്ടോയെന്ന് സംശയം പ്രകടിപ്പിച്ച് അമൃത രംഗത്തെത്തി.

ജിഞ്ചർ മീഡിയക്ക് നൽകിയ അഭിമുഖത്തിലാണ് അമൃത ഇക്കാര്യങ്ങൾ പങ്കുവെച്ചത്. "മമ്മിയെപ്പോലെ ആരും കഷ്ടപ്പെടാൻ ആരെയും താൻ അനുവദിക്കില്ലെ"ന്ന് പാപ്പു പറയാറുണ്ടെന്ന് അമൃത പറഞ്ഞു. മകൾ നിയമ പഠനത്തെക്കുറിച്ച് സംസാരിക്കുമ്പോൾ അവളുടെ കണ്ണുകൾ തിളങ്ങുന്നത് കാണാമെന്നും, ഇത് ഒരു അമ്മയെന്ന നിലയിൽ തനിക്ക് സന്തോഷം നൽകുന്ന കാര്യമാണെന്നും അമൃത കൂട്ടിച്ചേർത്തു. അതേസമയം, പാപ്പുവിന്റെ ഈ ആഗ്രഹം ഒരു പാഷനാണോ അതോ അമ്മയുടെ അനുഭവങ്ങൾ കണ്ടുള്ള "ട്രോമ ട്രിഗർ" ആണോ എന്ന് ഉറപ്പില്ലെന്നും അമൃത വ്യക്തമാക്കി.

മകളുമായുള്ള തന്റെ ബന്ധത്തെക്കുറിച്ചും അമൃത അഭിമുഖത്തിൽ സംസാരിച്ചു. തെറ്റുകൾ എല്ലാവർക്കും സംഭവിക്കാവുന്നതാണെന്നും, നാളെ മകളുടെ ഭാഗത്ത് നിന്ന് ഒരു തെറ്റുണ്ടായാൽ താൻ വഴക്ക് പറയില്ലെന്നും അമൃത പറയുന്നു. താനും ഒരുപാട് തെറ്റുകൾ ചെയ്തിട്ടുണ്ടെന്നും എന്നിട്ടും താനിപ്പോഴും ഇവിടെയില്ലേയെന്നും മകളോട് പറയാറുണ്ട്. ഈ തുറന്ന സമീപനം കാരണം പാപ്പു തന്റെ എല്ലാ സന്തോഷങ്ങളും സംശയങ്ങളും കുസൃതികളുമെല്ലാം പങ്കുവെക്കുന്നത് തന്നോടാണെന്നും അമൃത വെളിപ്പെടുത്തി. നിലവിൽ, വസ്ത്രങ്ങളും ഷൂസുകളുമടക്കം താനും പാപ്പുവും പങ്കുവെച്ച് ഉപയോഗിക്കാറുണ്ടെന്നും അമൃത പറഞ്ഞു.

ഐഡിയ സ്റ്റാർ സിംഗറിലൂടെ ശ്രദ്ധേയയായി പിന്നീട് ഒട്ടനവധി ഗാനങ്ങൾ ആലപിച്ച അമൃത സുരേഷ്, സഹോദരി അഭിരാമിക്കൊപ്പം ബാൻഡ് ട്രൂപ്പുമായി സംഗീതലോകത്ത് സജീവമാണ്. വ്യക്തിജീവിതത്തിൽ പല പ്രതിസന്ധികളെയും അതിജീവിച്ചാണ് അമൃത മുന്നോട്ട് പോകുന്നത്. മകൾ പാപ്പുവിന്റെ നിയമ പഠനത്തിനുള്ള ആഗ്രഹം, അമൃതയുടെ ജീവിതത്തിലെ വെല്ലുവിളികളുമായി ചേർത്ത് വായിക്കപ്പെടുമ്പോൾ, അവളിലെ സാമൂഹിക പ്രതിബദ്ധതയുടെ പ്രതിഫലനമായി മാറുകയാണ്.