മാസങ്ങളായി പൊതുവേദികളിൽ നിന്ന് വിട്ടുനിൽക്കുന്നതോടെ അഭ്യൂഹങ്ങൾ ശക്തം; കത്രീന കൈഫ്‌ ഗർഭിണി?; ആദ്യ കുഞ്ഞിനെ വരവേൽക്കാനൊരുങ്ങി ബോളിവുഡ് താര ജോഡികൾ
മുംബൈ: ബോളിവുഡ് താരങ്ങളായ കത്രീന കൈഫും വിക്കി കൗശലും തങ്ങളുടെ ആദ്യത്തെ കുഞ്ഞിനെ വരവേൽക്കാനൊരുങ്ങുന്നതായി റിപ്പോർട്ടുകൾ. കത്രീന ഗർഭിണിയാണെന്നും ഒക്ടോബറിലോ നവംബറിലോ കുഞ്ഞ് ജനിക്കുമെന്നുമാണ് റിപ്പോർട്ടുകൾ സൂചിപ്പിക്കുന്നത്. ദമ്പതികളുമായി അടുത്ത വൃത്തങ്ങളെ ഉദ്ധരിച്ച് എൻഡിടിവിയാണ് ഈ വാർത്ത പുറത്തുവിട്ടത്.
വർഷങ്ങളായി ഇരുവരും തങ്ങളുടെ കുടുംബ ജീവിതത്തെക്കുറിച്ച് സംസാരിക്കാറുണ്ടായിരുന്നു. എന്നാൽ, ഔദ്യോഗിക സ്ഥിരീകരണത്തിന് എല്ലാവരും കാത്തിരിക്കുകയായിരുന്നു. ഈ വിവരം ഔദ്യോഗികമായി പുറത്തുവിട്ടിട്ടില്ലെങ്കിലും, അഭ്യൂഹങ്ങൾ ശക്തമായി പ്രചരിക്കുന്നുണ്ട്. കഴിഞ്ഞ കുറച്ച് മാസങ്ങളായി കത്രീന പൊതുവേദികളിൽ നിന്ന് വിട്ടുനിൽക്കുന്നത് അഭ്യൂഹങ്ങൾ ശക്തമാക്കിയിരുന്നു.
മാതാപിതാക്കളാകാൻ ഒരുങ്ങുന്നതിൻ്റെ ഭാഗമായി, കുഞ്ഞ് ജനിച്ചാൽ കത്രീന സിനിമാ രംഗത്ത് നിന്ന് ദീർഘ അവധിയെടുക്കുമെന്നും സൂചനയുണ്ട്. കുഞ്ഞിൻ്റെ കാര്യങ്ങൾ നേരിട്ട് നോക്കി വളർത്താൻ ആഗ്രഹിക്കുന്നതായും റിപ്പോർട്ടുകളുണ്ട്.
2021-ലാണ് കത്രീന കൈഫും വിക്കി കൗശലും വിവാഹിതരായത്. 42-ാം വയസ്സിലാണ് കത്രീന അമ്മയാകാൻ ഒരുങ്ങുന്നത്. ഇരുവരുടെയും പ്രണയകഥ ബോളിവുഡിൽ ഏറെ ചർച്ച ചെയ്യപ്പെട്ട ഒന്നാണ്. 'കോഫി വിത്ത് കരൺ' എന്ന പരിപാടിയിൽ താൻ വിക്കി കൗശലിനൊപ്പം അഭിനയിക്കാൻ ആഗ്രഹിക്കുന്നതായി കത്രീന വെളിപ്പെടുത്തിയതോടെയാണ് ഇവരുടെ ബന്ധം ശ്രദ്ധേയമായത്.