'ഞങ്ങളുടെ ലോകത്തിലേക്ക് ഒരു ചെറിയ രാജകുമാരി വരവായിരിക്കുന്നു'; പെണ്‍കുട്ടി ജനിച്ച വിശേഷം അറിയിച്ച് കിയാരയും സിദ്ധാര്‍ത്ഥും; ആശംസകള്‍ അറിയിച്ച് ആരാധകരും
മുംബൈ: ബോളിവുഡ് താരദമ്പതികളായ കിയാര അദ്വാനിക്കും സിദ്ധാര്‍ഥ് മല്‍ഹോത്രക്കും സന്തോഷ വാര്‍ത്ത. ഇരുവര്‍ക്കും പെണ്‍കുഞ്ഞ് ജനിച്ചിരിക്കുകയാണ്. ഇതോടെ പ്രേക്ഷകമനസില്‍ നിറഞ്ഞ പ്രിയതാരങ്ങള്‍ മാതാപിതാക്കളായി. മുംബൈ ഗിര്‍ഗാവിലെ എച്ച്എന്‍ റിലയന്‍സ് ആശുപത്രിയിലാണ് കിയാര പ്രസവം നടത്തിയതെന്ന് റിപ്പോര്‍ട്ടുകള്‍ സൂചിപ്പിക്കുന്നു. ഓഗസ്റ്റിലാണ് കുഞ്ഞെത്തുമെന്നായിരുന്നു ആദ്യ പ്രതീക്ഷ. എന്നാല്‍ പ്രസവം അനൂപചിതമായി ഒരുപാട് മുന്‍പേ നടന്നതോടെ ആരാധകരും ആശ്ചര്യത്തിലാണ്.
കിയാരയും സിദ്ധാര്‍ഥും ഇന്‍സ്റ്റഗ്രാമിലൂടെയാണ് സന്തോഷവാര്‍ത്ത ആരാധകരുമായി പങ്കുവെച്ചത്. 'ഞങ്ങളുടെ ലോകത്തിലേക്ക് ഒരു ചെറിയ രാജകുമാരി വരവായിരിക്കുന്നു' എന്ന മാതൃകയിലുള്ള ഒരു കുറിപ്പിനോടൊപ്പം ഇരുവരും കുഞ്ഞു സോക്സുകള്‍ കൈവശംപിടിച്ച ചിത്രവും പങ്കുവച്ചു.
ഫെബ്രുവരി 28-നാണ് ഗര്‍ഭധാരണ വിവരം കിയാര സമൂഹമാധ്യമങ്ങളിലൂടെ അറിയിച്ചത്. 2023 ഫെബ്രുവരി 7ന് രാജസ്ഥാനിലെ ജയ്സാല്‍മീറിലെ സൂര്യഗഡ് പാലസില്‍ വച്ചായിരുന്നു ഇരുവരുടെയും വിവാഹം. പിന്നീട് മുംബൈയില്‍ ബോളിവുഡിലെ പ്രമുഖര്‍ക്കായി വിപുലമായ സ്വീകരണവും സംഘടിപ്പിച്ചു. കഴിഞ്ഞയാഴ്ച, മുംബൈയിലെ ഒരു സ്വകാര്യ ക്ലിനിക്കില്‍ കിയാരയും സിദ്ധാര്‍ഥും പരിശോധനയ്ക്കായി എത്തിയതും, കുടുംബാംഗങ്ങളുമൊപ്പമുണ്ടായിരുന്നതും ശ്രദ്ധയാകര്‍ഷിച്ചിരുന്നു. പാപ്പരാസികളുടെ കണ്ണില്‍പ്പെടാതിരിക്കാന്‍ ഇരുവരും പ്രത്യേകം ശ്രദ്ധിച്ചിരുന്നു. നിരവധിയാളുകളാണ് താര ദമ്പതികള്‍ക്ക് ആശംസകള്‍ അറിയിച്ച് എത്തിയിരിക്കുന്നത്.