മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ മഞ്ജു വാര്യരും; വമ്പന്‍ താരനിരയില്‍ ബിഗ് ബഡ്ജറ്റില്‍ ഒരുങ്ങുന്ന ചിത്രത്തില്‍ നായിക നയന്‍താര; മോഹന്‍ലാലും മമ്മൂട്ടിയും അതിഥി താരങ്ങളാകും
മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ മഞ്ജു വാര്യരും
കൊച്ചി: വമ്പന്‍ താരനിരയില്‍ മഹേഷ് നാരായണന്‍ ഒരുക്കുന്ന സിനിമയില്‍ മഞ്ജു വാര്യരും. ഗാനരംഗത്ത് സാമന്ത, അതിഥി താരമായി വെങ്കിടേഷ് മമ്മൂട്ടി, മോഹന്‍ലാല്‍, കുഞ്ചാക്കോ ബോബന്‍, ഫഹദ് ഫാസില്‍ തുടങ്ങിയവരും എത്തുന്നുണ്ട്. ഇതാദ്യമായാണ് മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ മഞ്ജു വാര്യര്‍ ഭാഗമാകുന്നത്.
വമ്പന്‍ താരനിരയില്‍ ബിഗ് ബഡ്ജറ്റില്‍ ഒരുങ്ങുന്ന ചിത്രത്തില്‍ നയന്‍താരയാണ് നായിക. കന്നട താരം ശിവരാജ് കുമാര്‍, സൗബിന്‍ ഷാഹിര്‍, വിവേക് ഒബ്‌റോയ്, ഉണ്ണി മുകുന്ദന്‍ തുടങ്ങിയവരാണ് മറ്റു താരങ്ങള്‍. തെലുങ്ക് സൂപ്പര്‍ താരം വെങ്കിടേഷും നസ്‌ളനും അതിഥിതാരമായി എത്തുന്നു. തെന്നിന്ത്യന്‍ താരം സാമന്ത ഗാനരംഗത്ത് പ്രത്യക്ഷപ്പെടുന്നു. ഇതാദ്യമായാണ് സാമന്തയും ശിവരാജ് കുമാറും വെങ്കിടേഷും മലയാളചിത്രത്തിന്റെ ഭാഗമാകുന്നത്. ശ്രീലങ്കയില്‍ ചിത്രീകരണം പുരോഗമിക്കുന്ന ചിത്രത്തിന്റെ അടുത്ത ലൊക്കേഷന്‍ ഷാര്‍ജ ആണ്.
ആറുദിവസത്തെ ചിത്രീകരണമാണ് ശ്രീലങ്കയില്‍ പ്‌ളാന്‍ ചെയ്യുന്നത്. മലയാളത്തിലെ ഏറ്റവും ചെലവേറിയ ചിത്രമായാണ് ഒരുങ്ങുന്നത്. മമ്മൂട്ടി, മോഹന്‍ലാല്‍, എന്നീ താരങ്ങളുടെ കോമ്പിനേഷന്‍ സീനുകളാണ് ഇപ്പോള്‍ ചിത്രീകരിക്കുന്നത്. ട്വന്റി 20 എന്ന ചിത്രത്തിനുശേഷം മലയാളത്തിലെ ഒട്ടുമിക്ക താരങ്ങളെയും അണിനിരത്തി ബിഗ് ക്യാന്‍വാസില്‍ ഒരുങ്ങുന്ന ചിത്രം ആന്റോ ജോസഫ് ഫിലിം കമ്പനിയുടെ ബാനറില്‍ ആണ് നിര്‍മ്മാണം. ഡല്‍ഹിയിലും കേരളത്തിലും ലണ്ടനിലും ചിത്രീകരണമുണ്ട്.