ബോക്സോഫീസില്‍ ഏറ്റ തിരിച്ചടിക്ക് മറുപടി നൽകാൻ 'നടിപ്പിൻ നായകൻ'; ആർജെ ബാലാജി ഒരുക്കുന്ന 'സൂര്യ 45' ന്റെ അപ്ഡേറ്റ് എത്തി; തൃഷ വീണ്ടും സൂര്യയുടെ നായിക ?
ചെന്നൈ: തെന്നിന്ത്യ ഒട്ടാകെ ആരാധകരുള്ള താരമാണ് സൂര്യ. വലിയ പ്രതീക്ഷയോടെത്തിയ കങ്കുവ തീയറ്ററുകളിൽ പരാജയമായതോടെ വരാനിരിക്കുന്ന ചിത്രങ്ങളിൽ ശ്രദ്ധ കേന്ദ്രീകരിക്കുവാൻ ഒരുങ്ങുകയാണ് താരം. സൂര്യ 45 എന്ന ചിത്രത്തിന്റെ അപ്ഡേറ്റുകളാണ് ഇപ്പോൾ പുറത്തുവരുന്നത്.
സൂര്യ 45 ചിത്രീകരണം ഈ വാരം കൊയമ്പത്തൂരില്‍ ആരംഭിക്കും. കൂടാതെ, ഒരു ഗ്രാമീണ കഥയാണ് ചിത്രം പറയുന്നത് എന്നാണ് വിവരം. അതേ സമയം വലിയൊരിടവേളക്ക് ശേഷം വിജയ തൃഷ സൂര്യക്കൊപ്പം ഒന്നിക്കുന്നു എന്ന വാർത്തകളാണ് ഇപ്പോൾ പുറത്ത് വരുന്നത്. ചിത്രത്തിലെ നായികയായാണ് തൃഷ എത്തുന്നത് എന്നാണ് വിവരം. മുന്‍പ് ആറു എന്ന ചിത്രത്തിലാണ് സൂര്യയുടെ നായികയായി തൃഷ എത്തിയിരുന്നത്. ഈ ചിത്രം വിജയമായിരുന്നു.
മൂക്കുത്തി അമ്മൻ, വീട്ട് വിശേഷങ്ങൾ എന്നീ ചിത്രങ്ങളിലൂടെ വലിയ പ്രേക്ഷക ശ്രദ്ധ നേടിയ ആർജെ ബാലാജി പതിവ് രീതിയില്‍ നിന്നും വ്യത്യസ്തമായ കഥയാണ് ഒരുക്കുന്നതെന്നാണ് വിവരങ്ങൾ ലഭിക്കുന്നത്. നിലവിൽ പ്രീ-പ്രൊഡക്ഷൻ ഘട്ടത്തിലാണ് ചിത്രം ഒരു വർഷത്തിലേറെ എടുത്താണ് ബാലാജി തിരക്കഥ വികസിപ്പിച്ചത്. ആക്ഷൻ-അഡ്വഞ്ചർ ഗണത്തില്‍ പെടുന്നതായിരിക്കും ചിത്രം എന്നും റിപ്പോർട്ടുകൾ ഉണ്ട്.
സംഗീതം നൽകുന്നത് എആര്‍ റഹ്മാന്‍ ആയിരിക്കും. മുമ്പ് നടൻ സൂര്യ അഭിനയിച്ച സില്ലിന് ഒരു കാതൽ, ആയുധ എഴുത്ത് തുടങ്ങിയ ചിത്രങ്ങളിൽ എആര്‍ റഹ്മാന്റെ സംഗീതം ആയിരിന്നു. ചിത്രത്തിന്റെ അപ്ഡേറ്റ് വന്നപ്പോൾ തന്നെ പ്രേക്ഷകർ ഒന്നടങ്കം ആവേശത്തോടെ കാത്തിരിക്കുകയാണ്.