സ്ലൈഗോയില്‍ ക്രിസ്മസ് ആഘോഷങ്ങള്‍ ഡിസംബര്‍ 21 ന്; ബിഷപ്പ് കെവിന്‍ ഡോറന്‍ മുഖ്യാതിഥി
By : സ്വന്തം ലേഖകൻ
Update: 2024-12-17 14:06 GMT
സ്ലൈഗോ :ഇന്ത്യന്‍ അസോസിയേഷന്‍ ഓഫ് സ്ലൈഗോയുടെ ക്രിസ്മസ് പുതുവത്സര ആഘോഷങ്ങള്‍ ഡിസംബര്‍ 21 നു നടക്കും .റാത്ത്‌കോര്‍മക് നാഷണല്‍ സ്‌കൂളില്‍ നടക്കുന്ന വൈകിട്ട് 4 മണിക്കാരംഭിക്കുന്ന ആഘോഷരാവിനുള്ള ഒരുക്കങ്ങള്‍ പൂര്‍ത്തിയായതായി മീഡിയ ഓഫീസര്‍ ഡയസ് സേവ്യര്‍ അറിയിച്ചു .
സ്ലൈഗോ ബിഷപ്പ് കെവിന്‍ ഡോറന്‍ മുഖ്യാതിഥിയായെത്തി ക്രിസ്മസ് പുതുവത്സര സന്ദേശം നല്‍കും.
പതിവ് ചേരുവകള്‍ക്കൊപ്പം നിരവധി പുതുമകളുമായാണ് ഇത്തവണത്തെ ആഘോഷം അതിഥികളെ കാത്തിരിക്കുന്നത്. ഈ പരിപാടിയിലൂടെ Sligo Cancer Support Centreനെ പിന്തുണയ്ക്കാനും അസോസിയേഷന്‍ തീരുമാനിച്ചിട്ടുണ്ട് .അസോസിയേഷന്റെ 2025 ലെ ഇയര്‍ പ്ലാനര്‍ ഇതോടൊപ്പം അനാച്ഛാദനം ചെയ്യും.
Booking Link- https://www.tickettailor.com/events/sligoindians/1481918