രഹസ്യ വിവരത്തിൽ പോലീസിന്റെ മിന്നൽ പരിശോധന; മയക്കുമരുന്നമായി പിടിയിലായത് ഇന്ത്യക്കാരനും ഫിലിപ്പീൻ വനിതയും

കുവൈത്ത് സിറ്റി: കുവൈത്തിലെ സാൽമിയയിൽ രഹസ്യ വിവരത്തിൽ നടത്തിയ പരിശോധനയിൽ മയക്കുമരുന്നുമായി ഒരു ഇന്ത്യൻ പൗരനെയും ഒരു ഫിലിപ്പീൻ സ്വദേശിനിയെയും പോലീസ് അറസ്റ്റ് ചെയ്തു. സാൽമിയ പോലീസ് സ്റ്റേഷൻ സംഘം നടത്തിയ മിന്നൽ റെയ്ഡിലാണ് ഇരുവരും പിടിയിലായത്. രഹസ്യവിവരത്തെ തുടർന്ന് പോലീസ് നടത്തിയ പരിശോധനയിലാണ് പ്രതികൾ പിടികൂടിയത്

ഇവരിൽ നിന്ന് മയക്കുമരുന്ന് പിടിച്ചെടുത്തതായി അധികൃതർ അറിയിച്ചു. കൂടുതൽ നടപടികൾക്കായി പ്രതികളെ ജനറൽ ഡിപ്പാർട്മെന്‍റ് ഫോർ ഡ്രഗ് കൺട്രോളിന് കൈമാറിയിട്ടുണ്ട്. കുവൈത്തിൽ മയക്കുമരുന്നുമായി ബന്ധപ്പെട്ട കുറ്റകൃത്യങ്ങളിൽ ഏർപ്പെടുന്നവർക്കെതിരെയും നിയമം ലംഘിക്കുന്നവർക്കെതിരെയും കർശന നടപടികൾ സ്വീകരിക്കുമെന്ന് അധികൃതർ വ്യക്തമാക്കി.