'തൊട്ടാൽ പൊള്ളും..'; പിടി തരാതെ റോക്കറ്റ് കുതിപ്പ് തുടർന്ന് തങ്കം; സംസഥാനത്ത് ഇന്നും സ്വർണവില സർവ്വകാല റെക്കോർഡിൽ; ഗ്രാമിന് 800 രൂപ വർധിച്ചു; ആശങ്കയിൽ വ്യാപാരികൾ

സംസ്ഥാനത്ത് സ്വർണവില ഇന്ന് സർവകാല റെക്കോർഡിലെത്തി. പവന് 800 രൂപ വർധിച്ച് ഒരു പവൻ (8 ഗ്രാം) 22 കാരറ്റ് സ്വർണത്തിന്റെ വില 1,05,320 രൂപയായി. ഏറ്റവും കുറഞ്ഞ പണിക്കൂലിയായ 5 ശതമാനവും മൂന്ന് ശതമാനം ജിഎസ്ടിയും ഹാൾമാർക്കിങ് ചാർജും ഉൾപ്പെടെ ഇന്ന് ഒരു പവൻ സ്വർണാഭരണം വാങ്ങാൻ 1,15,000 രൂപയ്ക്ക് മുകളിൽ നൽകേണ്ടി വരും.

വില വിവരങ്ങൾ പ്രകാരം, ഒരു ഗ്രാം 22 കാരറ്റ് സ്വർണത്തിന് 13,165 രൂപയാണ് വില. ഒരു ഗ്രാം 18 കാരറ്റ് സ്വർണത്തിന് 10,820 രൂപയും ഒരു ഗ്രാം 14 കാരറ്റ് സ്വർണത്തിന് 8430 രൂപയും ഒരു ഗ്രാം 9 കാരറ്റ് സ്വർണത്തിന് 5435 രൂപയുമാണ് ഇന്നത്തെ നിരക്ക്. വെള്ളിയുടെ വില ഒരു ഗ്രാമിന് 285 രൂപയായി രേഖപ്പെടുത്തി.

അന്താരാഷ്ട്ര സംഘർഷങ്ങൾ വർധിച്ചതാണ് സ്വർണവില കുതിച്ചുയരാൻ പ്രധാന കാരണം. ഈ സാഹചര്യത്തിൽ സ്വർണവില ഇനിയും ഉയരാൻ സാധ്യതയുണ്ടെന്നാണ് വിപണി വിദഗ്ധർ നൽകുന്ന സൂചന. ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ അന്താരാഷ്ട്ര വിലയെ ആശ്രയിച്ചാണ് കേരളത്തിലെ സ്വർണവില നിശ്ചയിക്കുന്നത്. അന്താരാഷ്ട്ര വിപണി നിരക്കുകൾ, ഇറക്കുമതി തീരുവകൾ, നികുതികൾ, വിനിമയ നിരക്കുകളിലെ ഏറ്റക്കുറച്ചിലുകൾ എന്നിവയാണ് ഇന്ത്യയിലെ സ്വർണവിലയെ പ്രധാനമായും സ്വാധീനിക്കുന്നത്.