സുരാൻകോട്ട് മേഖലയിൽ ഭീകരരുടെ ഒളിത്താവളം തകർത്തെറിഞ്ഞ് സുരക്ഷാസേന; പിന്നാലെ പാക്ക് പോസ്റ്റുകളിൽ നിന്ന് വെടിവെയ്പ്; അഞ്ച് ഐഇഡികൾ കണ്ടെത്തി; പ്രദേശത്ത് അതീവ ജാഗ്രത!
ശ്രീനഗർ: കശ്മീരിലെ പൂഞ്ചിൽ ഭീകരരുടെ ഒളിത്താവളം കണ്ടുപിടിച്ച് തകർത്തെറിഞ്ഞ് സുരക്ഷാസേന. പൂഞ്ചിലെ സുരാൻകോട്ട് മേഖലയിലെ താവളമാണ് സേന തകർത്തത്. പിന്നാലെ സ്ഥലത്ത് നിന്ന് അഞ്ച് ഐഇഡികളും സുരക്ഷാസേന കണ്ടെടുക്കുകയും ചെയ്തു.
കരസേനാ ഉദ്യോഗസ്ഥരും ജമ്മു കശ്മീര്‍ പോലീസും സംയുക്തമായി നടത്തിയ നടപടിയിലാണ് ഭീകരരുടെ ഒളിസങ്കേതം സേന തകർത്തെറിഞ്ഞത്. സംഭവത്തിന് പിന്നാലെ പാക്ക് പോസ്റ്റുകളിൽ നിന്ന് വീണ്ടും വെടിവെപ്പുണ്ടായി. പാക്കിസ്ഥാന്റെ പ്രകോപനത്തിന് പിന്നാലെ അതിര്‍ത്തിയില്‍ ഇന്ത്യൻ സൈന്യം ജാഗ്രത വർധിപ്പിക്കുകയും ചെയ്തു. പ്രദേശം ഇപ്പോൾ അതീവ ജാഗ്രതയിലാണ്.
പഹൽഗാം ഭീകരാക്രമണത്തിന് പിന്നാലെ അതിർത്തി മേഖലയിൽ ശക്തമായ തിരച്ചിലാണ് സൈന്യം നടത്തി വരുന്നത്. സംഭവത്തിൽ എൻഐഎ അന്വേഷണം പുരോഗമിക്കുകയാണ്. സംഭവവുമായി ബന്ധപ്പെട്ട് നൂറിൽ അധികം നാട്ടുകാരെ എൻഐഎ ചോദ്യം ചെയ്തിട്ടുണ്ട്.