ഞാൻ ധരിച്ചിരിക്കുന്നത് 'പർദ്ദ'യാണ് എന്നിട്ട് പോലും രക്ഷയില്ല! മലപ്പുറത്തെ റെയിൽവേ സ്റ്റേഷനിൽ രാത്രി ഒന്നരമണിയോടെ ഒറ്റയ്ക്കായി പോയ ആ യുവതി; തെളിവ് സഹിതം വീഡിയോ എടുത്തിട്ടും ഒരു പേടിയുമില്ലാതെ ഒരാളുടെ വൃത്തികെട്ട പ്രവർത്തി; വിരുതനെ തേടി പോലീസ്

കുറ്റിപ്പുറം: മലപ്പുറം ജില്ലയിലെ കുറ്റിപ്പുറം റെയിൽവേ സ്റ്റേഷനിൽ വെച്ച് യുവതിക്ക് നേരിടേണ്ടി വന്ന അതിക്രമം കേരളീയ സമൂഹത്തെ ഞെട്ടിച്ചിരിക്കുകയാണ്. രാത്രി ഒന്നര മണിയോടെ ട്രെയിൻ കാത്തുനിന്ന യാസ്മിൻ എന്ന യുവതിയാണ് തനിക്കുണ്ടായ ദുരനുഭവം സമൂഹമാധ്യമങ്ങളിലൂടെ പങ്കുവെച്ചത്.

സ്റ്റേഷനിലിരുന്ന യുവതിയെ നോക്കി ഒരു മധ്യവയസ്കൻ പരസ്യമായി സ്വയംഭോഗം ചെയ്യുകയായിരുന്നു. ഭയന്നുപോകാതെ ഈ ദൃശ്യങ്ങൾ മൊബൈൽ ഫോണിൽ പകർത്തിയ യുവതി, അത് ഇൻസ്റ്റഗ്രാം വഴി പുറത്തുവിടുകയും പോലീസിൽ പരാതി നൽകുകയും ചെയ്തു. ആറ് ദശലക്ഷത്തിലധികം ആളുകൾ കണ്ട ഈ വീഡിയോ വലിയ രീതിയിലുള്ള ചർച്ചകൾക്കാണ് വഴിതുറന്നത്.

സ്ത്രീകളുടെ വസ്ത്രധാരണമാണ് അവർക്കെതിരെയുള്ള അതിക്രമങ്ങൾക്ക് കാരണമെന്ന് വിശ്വസിക്കുന്നവർക്കുള്ള ശക്തമായ മറുപടി കൂടിയാണ് യാസ്മിന്റെ ഈ വീഡിയോ. താൻ പർദ്ദയാണ് ധരിച്ചിരുന്നതെന്നും ശരീരഭാഗങ്ങൾ ഒട്ടും വെളിവാകാത്ത വസ്ത്രം ധരിച്ചിട്ടും ഇത്തരമൊരു അനുഭവം ഉണ്ടായെന്നും അവർ വീഡിയോയിൽ വ്യക്തമാക്കുന്നു.

പ്രതികരിച്ചതിന്റെ പേരിൽ വീഡിയോ ഡിലീറ്റ് ചെയ്യണമെന്ന് പറഞ്ഞ് ആരും തന്റെ അടുത്തേക്ക് വരേണ്ടതില്ലെന്നും അവർ ഉറച്ച നിലപാടെടുത്തു. പൊതുവിടങ്ങളിൽ പോലും സ്ത്രീകൾ എത്രത്തോളം അരക്ഷിതരാണെന്ന് തെളിയിക്കുന്നതാണ് ഈ സംഭവം. കുറ്റവാളിയെ കണ്ടെത്താൻ പോലീസ് അന്വേഷണം ഊർജ്ജിതമാക്കിയിട്ടുണ്ട്. സ്ത്രീസുരക്ഷയെക്കുറിച്ചുള്ള ഗൗരവകരമായ ആലോചനകൾക്കും നിയമപരമായ കർശന നടപടികൾക്കും ഈ സംഭവം അടിവരയിടുന്നു.