പറ്റിക്കാന്‍ ശ്രമിച്ചത് പണമിടപാട് സ്ഥാപനങ്ങളെ; മുക്കുപണ്ടം പണയം വെച്ച് പണം തട്ടിയെടുക്കാന്‍ ശ്രമിച്ച യുവതിയും കൂട്ടാളികളും അറസ്റ്റില്‍
അടൂര്‍ : മുക്കുപണ്ടം പണയം വെച്ച് പണം തട്ടിയെടുക്കാന്‍ ശ്രമിച്ച യുവതിയെയും കൂട്ടാളികളെയും അടൂര്‍ പോലീസ് പിടികൂടി. ഇളമണ്ണൂര്‍ സ്വദേശിയായ മഞ്ജു ഭവനില്‍ രമേശ് ഭാര്യ മഞ്ജു(28), മുക്കുവണ്ടം പണയം വയ്ക്കാന്‍ ഏല്‍പ്പിച്ച മഞ്ജുവിന്റെ ബന്ധവും സുഹൃത്തുമായ പോരുവഴി സ്വദേശി വലിയത്ത് പുത്തന്‍വീട്ടില്‍ ജിത്തു എന്ന് വിളിക്കുന്ന നിഖില്‍ (27), അടൂര്‍ കനാല്‍ ഭാഗത്ത് വാടകയ്ക്ക് താമസിക്കുന്ന ചിറയന്‍കീഴ് സ്വദേശിയായ സരള ഭവനില്‍ സജിത്ത് (30) എന്നിവര്‍ആണ് പിടിയില്‍ ആയത്.
അടൂര്‍ സ്റ്റേഷന്‍ പരിധിയില്‍ ഇളമണ്ണൂര്‍ ആദിയ ഫിനാന്‍സ്, പാണ്ടിയഴികത്ത് ഫിനാന്‍സ് എന്നീ സ്ഥാപനങ്ങളില്‍ മുക്കുപണ്ടം പണയം വെച്ച് ഒരു ലക്ഷത്തി എഴുപത്തിഅയ്യായിരത്തോളം രൂപയുടെ തട്ടിപ്പ് നടത്തുകയായിരുന്നു ജൂവലറി ഉടമയുടെ പരാതിയുടെ അടിസ്ഥാനത്തില്‍ അടൂര്‍ പോലീസ് സബ് ഇന്‍സ്പെക്ടര്‍ അനൂപ് രാഘവന്‍ആണ് കേസ് രജിസ്റ്റര്‍ ചെയ്തത്. ആദിക്കാട്ടുകുളങ്ങരയുള്ള സ്വകാര്യ സ്ഥാപനത്തില്‍ മുക്കുവണ്ടം പണയം വെച്ച് പണം തട്ടിയെടുത്ത തിലേക്ക് നൂറനാട് പോലീസ് സ്റ്റേഷനില്‍ രജിസ്റ്റര്‍ ചെയ്തിരുന്ന കേസിലേക്ക് ടി പ്രതിയെ നൂറനാട് പോലീസിന് കൈമാറിയിട്ടുണ്ട്. ടി ആളുകളെ പോലീസ് കസ്റ്റഡിയില്‍ എടുത്ത് കൂടുതല്‍ അന്വേഷണം നടത്തിവരുന്നു