പാൽക്കാരനുമായി അമ്മയ്ക്ക് അവിഹിതബന്ധം; അവസാന മുന്നറിയിപ്പ് കൊടുത്ത് 17കാരൻ; വിലക്ക് മറികടന്ന് ഇരുവരും ബന്ധം തുടർന്നു; മനസ്സിൽ പക സൂക്ഷിച്ചു; തക്കം നോക്കി പാൽക്കാരനെ അതിക്രൂരമായി വെട്ടിക്കൊലപ്പെടുത്തി; തലക്കും കഴുത്തിനും മാരക മുറിവുകൾ; ഞെട്ടലോടെ ഗ്രാമം..!

ആഗ്ര: തന്റെ അമ്മയുമായി അവിഹിത ബന്ധം പുലർത്തിയ പാൽക്കാരനെ അതിക്രൂരമായി വെട്ടിക്കൊലപ്പെടുത്തി മകൻ. ആഗ്രയിലാണ് ഗ്രാമവാസികളെ ഞെട്ടിപ്പിച്ച കൊലപാതകം നടന്നത്. തന്റെ അമ്മയോട് മോശമായി പെരുമാറി എന്ന് ആരോപിച്ചാണ് പാൽക്കാരനെ 17കാരൻ അതിക്രൂരമായി വെട്ടിക്കൊലപ്പെടുത്തി. യുപി യിലെ മഹാവൻ പോലീസ് സ്റ്റേഷൻ പരിധിയിലാണ് സംഭവം നടന്നത്. സംഭവത്തിൽ 17കാരനെ പോലീസ് അറസ്റ്റ് ചെയ്തു.

റെയിൽവേ പാളത്തിലാണ് പാൽക്കാരൻ പങ്കജ് (25) എന്നയാളുടെ മൃതദേഹം കണ്ടെത്തിയത്. രായയിലെ നാഗ്ല ധനുവ ഗ്രാമത്തിലെ താമസക്കാരനും പ്രാദേശിക ഗ്രാമത്തലവൻ്റെ മരുമകനുമായ പാൽക്കാരൻ കുട്ടിയുടെ അമ്മയുമായി ബന്ധം പുലർത്തിയിരുന്നതായി പോലീസ് പറയുന്നു.

മകൻ നേരെത്തെ അമ്മയുമായുള്ള ബന്ധത്തിൽ എതിർപ്പ് അറിയിച്ചിരുന്നു. ശേഷം ഇവർക്ക് മുന്നറിയിപ്പും നൽകിയിരുന്നു. പക്ഷെ മകന്റെ ഭീഷണി അവ​ഗണിച്ച് ഇരുവരും വീണ്ടും ബന്ധം തുടർന്നു. തുടർന്നാണ് കാര്യങ്ങൾ വഷളായത്. നവംബർ 16 ന് ഇരുവരും ഒരുമിച്ച് മദ്യപിച്ച ശേഷം അവരവരുടെ ബൈക്കിൽ പോയി. ശേഷം യാത്രയ്ക്കിടെ 17കാരൻ കോടാലി ഉപയോഗിച്ച് പങ്കജിനെ അതിക്രൂരമായി ആക്രമിക്കുകയും തലയിലും കഴുത്തിലും മാരകമായി മർദ്ദിക്കുകയും ചെയ്തു.

ആശുപത്രിയിൽ നിന്നുള്ള പോസ്റ്റ്‌മോർട്ടം റിപ്പോർട്ടിൽ തലക്കും കഴുത്തിനും മൂർച്ചയുള്ള ആയുധങ്ങൾ ഉപയോ​ഗിച്ചേറ്റ ക്ഷതമാണ് മരണകാരണമെന്ന് പോലീസ് വ്യക്തമാക്കി.ഒടുവിൽ പോലീസിന്റെ ചോദ്യം ചെയ്യലിൽ പ്രതി കുറ്റം സമ്മതിക്കുകയും ചെയ്തു. പ്രതി കൊലപാതകത്തിനായി ഉപയോഗിച്ച ആയുധം കണ്ടെടുത്തിട്ടുണ്ട്. സംഭവത്തിൽ കൂടുതൽ അന്വേഷണം നടക്കുകയാണെന്നും പോലീസ് അറിയിച്ചു.