തടി കയറ്റുകയായിരുന്ന പിക്കപ്പ് വാഹനത്തിന്റെ നിയന്ത്രണം വിട്ടു; മുന്നോട്ട് നീങ്ങിയ വാഹനം വീടിന്റെ മതിൽ തകർത്ത് പാഞ്ഞുകയറി; ഒഴിവായത് വൻ അപകടം

കൊല്ലം: കൊല്ലം കടയ്ക്കലിൽ തടി കയറ്റുകയായിരുന്ന പിക്കപ്പ് വാഹനം നിയന്ത്രണം വിട്ട് അപകടം. രാവിലെയാണ് അപകടം നടന്നത്. തടി കയറ്റുകയായിരുന്ന പിക്കപ്പ് വാഹനം നിയന്ത്രണം വിട്ട് വീടിന്റെ മതിൽ തകർത്ത് പാഞ്ഞുകയറുകയായായിരുന്നു. അപകട സമയം വാഹനത്തിന് മുകളിൽ തൊഴിലാളികൾ ഉണ്ടായിരുന്നു. ആർക്കും കാര്യമായ പരിക്കില്ല. പിക്കപ്പ് വാഹനം ഇറക്കത്തിൽ നിർത്തിയിട്ട് തടി കയറ്റിക്കൊണ്ടിരിക്കെയാണ് അപകടമുണ്ടായത്.

പെട്ടെന്ന് വാഹനം നിയന്ത്രണം വിട്ട് അതിവേഗത്തില്‍ മുന്നോട്ട് നീങ്ങുകയായിരുന്നു. വീടിന്‍റെ മുറ്റത്തേക്ക് പാഞ്ഞിറങ്ങിയ വാഹനം ബാത്റൂമിന്‍റെ സൈഡില്‍ ഇടിച്ചു നില്‍ക്കുകയായിരുന്നു. സംഭവ സമയം മൂന്ന് തൊഴിലാളികളാണ് വാഹനത്തിന് മുകളിലുണ്ടായിരുന്നത്. ഇവര്‍ക്ക് നിസാര പരിക്ക് മാത്രമാണുണ്ടായിരുന്നത്. വീടിന് പുറത്ത് ആ സമയം ആളുകള്‍ ഒന്നും ഇല്ലാതിരുന്നതിനാല്‍ അപകടമൊഴിവായി.