റോഡ് മുറിച്ച് കടക്കാന്‍ ശ്രമിക്കുന്നതിനിടെ മിനി ലോറിയിടിച്ച് കാല്‍നടയാത്രക്കാരി മരിച്ചു; ഒപ്പമുണ്ടായിരുന്ന യുവതി പരിക്കുകളോടെ ആശുപത്രിയില്‍
മിനി ലോറിയിടിച്ച് കാല്‍നടയാത്രക്കാരി മരിച്ചു
മലപ്പുറം: മിനി ലോറിയിടിച്ച് കാല്‍നടയാത്രക്കാരി മരിച്ചു. പാണ്ടിക്കാട് മഞ്ചേരി റോഡില്‍ നിയോ ഹോസ്പിറ്റിലിന് സമീപം ഇന്നു പുലര്‍ച്ചെഅഞ്ചോടെ ഉണ്ടായ അപകടത്തില്‍ മേലാറ്റൂര്‍ സ്വദേശിനി കിഴക്കേക്കര ഹേമലത (40) യാണ് മരിച്ചത്. ഒപ്പമുണ്ടായിരുന്ന ഏപ്പിക്കാട് സ്വദേശിനി തേലക്കോട് സിന്ധുമോള്‍ക്ക് (40) ഗുരുതര പരിക്കേറ്റു. ഹോസ്പിറ്റലിന് മുന്നിലുള്ള കടയില്‍ നിന്ന് ഭക്ഷണം കഴിച്ച ശേഷം ഇവര്‍ റോഡ് മുറിച്ച് കടക്കാന്‍ ശ്രമിക്കുന്നതിനിടെ മഞ്ചേരി ഭാഗത്തേക്ക് പോവുകയായിരുന്ന ലോറിയാണ് ഇടിച്ചത്.
ഹേമലത സംഭവസ്ഥലത്ത് വച്ചു തന്നെ മരിച്ചു. സിന്ധുമോള്‍ പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികില്‍സയിലാണ്. ഹേമലതയുടെ മൃതദേഹം വൈകിട്ട് 4.30 ന് കിഴക്കേക്കരകാവ് ശ്മശാനത്തില്‍ സംസ്‌കരിച്ചു. ഭര്‍ത്താവ്:സുബ്രഹ്മണ്യന്‍. മക്കള്‍: ഗോകുല്‍, രേഷ്മ, രഞ്ജിമ. മരുമക്കള്‍: സനൂപ്, പ്രവീണ്‍, അഷിത.