സ്കൂട്ടർ റോഡരികിൽ നിർത്തി ഫോൺ നോക്കി നിന്നു; പിന്നാലെ കുതിച്ചെത്തിയ കാറിടിച്ച് വൻ അപകടം; ​ഗുരുതരമായി പരിക്കേറ്റ സ്കൂട്ടർ യാത്രികന് ദാരുണാന്ത്യം; ഭയപ്പെടുത്തുന്ന ദൃശ്യങ്ങൾ അടക്കം പുറത്ത്

കോഴിക്കോട്: സ്കൂട്ടർ റോഡരികിൽ നിർത്തി ഫോൺ നോക്കി നിൽക്കവേ വാഹനാപകടം. പിന്നാലെ കുതിച്ചെത്തിയ കാറിടിച്ച് ഗുരുതരമായി പരിക്കേറ്റ സ്കൂട്ടർ യാത്രികന് ദാരുണാന്ത്യം. കോഴിക്കോട് മുക്കം വെസ്റ്റ് മണ്ണാശ്ശേരിയിലാണ് വാഹനാപകടം നടന്നത്. അപകടത്തിൽ പരിക്കേറ്റ ഷെരീഫ് എന്നയാളാണ് മരിച്ചത്. ​

ഗുരുതരമായി പരിക്കേറ്റ ഷെരീഫിനെ ഉടനെ തന്നെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. പിന്നാലെ ചികിത്സക്കിടെയാണ് മരണം സംഭവിച്ചത്. റോഡിന്റെ സൈഡിൽ നിർത്തിയിട്ടിരുന്ന സ്കൂട്ടറിൽ കാർ അതിശക്തമായി വന്നിടിക്കുകയായിരുന്നു.

ഇടിയുടെ ആഘാതത്തിൽ സ്കൂട്ടർ യാത്രികൻ തെറിച്ചു പോയി. സമീപത്തുണ്ടായിരുന്ന ആളുകളെല്ലാം ചേർന്നാണ് ഷെരീഫിനെ ആശുപത്രിയിലേക്ക് കൊണ്ടുപോയത്.സ്ഥലത്ത് പോലീസെത്തി മേൽ നടപടികൾ സ്വീകരിച്ചു.