ഓട്ടോ നിയന്ത്രണം വിട്ട് മറിഞ്ഞ് അപകടം; മൂന്ന് വിദ്യാർത്ഥിനികൾക്ക് പരിക്ക്; സംഭവം സ്കൂളിലേക്ക് പോകും വഴി

കോഴിക്കോട്: ഓട്ടോ നിയന്ത്രണം തെറ്റി മറിഞ്ഞ് മൂന്ന് പ്ലസ് വൺ വിദ്യാർത്ഥിനികൾക്ക് പരിക്കേറ്റു. കോഴിക്കോട് മാവൂരിലാണ് അപകടം നടന്നത്. മാവൂർ ഹയർ സെക്കൻഡറി സ്കൂൾ വിദ്യാർത്ഥിനികൾക്കാണ് പരിക്ക് പറ്റിയത്.

ഇവർ സഞ്ചരിച്ചിരുന്ന ഓട്ടോ നിയന്ത്രണം വിട്ട് മറിഞ്ഞാണ് അപകടം സംഭവിച്ചത്. ഇന്ന് രാവിലെ സ്കൂളിലേക്ക് പോകും വഴി ആയിരിന്നു അപകടം.

വിദ്യാർത്ഥിനികളെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. തുടർന്ന് സ്ഥലത്ത് പോലീസെത്തി മേൽനടപടികൾ സ്വീകരിച്ചു.