ഇൻസ്റ്റഗ്രാം വഴി പരിചയപ്പെട്ടു; പ്രണയ ചതിയിൽ വീഴ്ത്തി പീഡിപ്പിച്ചു; പിന്നാലെ നഗ്ന വീഡിയോകൾ പകർത്തി ഭീഷണി; കളമശ്ശേരിയിൽ ബലാത്സംഗ കേസിൽ യു-ട്യൂബർ അറസ്റ്റിൽ; പ്രതിക്കെതിരെ ഗുരുതര ആരോപണങ്ങളുമായി പോലീസ്!

കളമശ്ശേരി: കളമശ്ശേരിയിൽ ബലാത്സംഗ കേസുമായി ബന്ധപ്പെട്ട് പ്രതിയായ യു-ട്യൂബറെ പോലീസ് അറസ്റ്റ് ചെയ്തു. മലപ്പുറം തിരൂരിലെ സൗത്ത് അന്നാര ഭാഗം കറുകപ്പറമ്പിൽ വീട്ടിൽ മുഹമ്മദ് നിഷാലിന്റെ (25) അറസ്റ്റാണ് രേഖപ്പെടുത്തിയത്. ഇയാൾ ഇൻസ്റ്റഗ്രാം വഴി പരിചയപ്പെട്ട യുവതിയെ ലൈംഗികമായി പീഡിപ്പിക്കുകയും നഗ്ന വീഡിയോകൾ കൈക്കലാക്കി ഭീഷണിപ്പെടുത്തുകയും ചെയ്‌തെന്നും പോലീസ് പറഞ്ഞു. കേസിൽ പിടിയിലായ പ്രതിക്കെതിരെ ഗുരുതര ആരോപണങ്ങളുമായി പോലീസും രംഗത്തെത്തി.

പോലീസ് പറയുന്നത്, ഇൻസ്റ്റഗ്രാം വഴി പരിചയപ്പെട്ട യുവതിയെ ലൈംഗിക ആവശ്യത്തിനായി ഉപയോഗിച്ച് നഗ്ന വീഡിയോകളും ഫോട്ടോകളും എടുത്ത് സാമൂഹിക മാധ്യമങ്ങൾ വഴി പ്രചരിപ്പിക്കുമെന്ന് ഭീഷണിപ്പെടുത്തിയ കേസിലാണ് അറസ്റ്റ്. പ്രതിക്കെതിരേ വിവിധ സ്റ്റേഷനുകളിൽ സമാന രീതിയിലുള്ള കേസുകൾ ഉള്ളതായി പോലീസ് വ്യക്തമാക്കി. പ്രതിയെ കോടതി റിമാൻഡ് ചെയ്തു.