കുതിച്ചെത്തിയ കാർ ചായക്കടയിലേക്ക് ഇടിച്ചു കയറി വൻ അപകടം; രണ്ടുപേർക്ക് ദാരുണാന്ത്യം; ഡ്രൈവറെ അറസ്റ്റ് ചെയ്തു; ദാരുണ സംഭവം പാലക്കാട്

പാലക്കാട്: കാർ ചായക്കടയിലേക്ക് ഇടിച്ചുകയറി വൻ അപകടം. സംഭവത്തിൽ രണ്ടുപേർക്ക് ദാരുണാന്ത്യം. പാലക്കാട് പുളിഞ്ചോട് ഭാഗത്താണ് സംഭവം നടന്നത്. കടയുടമയായ ബാലനും കടയിലുണ്ടായിരുന്ന മറ്റൊരാളുമാണ് മരിച്ചത്.

ഇദ്ദേഹത്തെ തിരിച്ചറിഞ്ഞില്ല. ആലത്തൂരിൽ നിന്ന് നെന്മാറ ഭാഗത്തേക്ക് പോകുകയായിരുന്ന കാറാണ് അപകടത്തിൽപ്പെട്ടത്. കാർ ഓടിച്ചിരുന്ന ഡ്രൈവറെ പോലീസ് അറസ്റ്റ് ചെയ്‌തു.

പാഞ്ഞെത്തിയ കാർ ബൈക്കിലിടിച്ച് നിയന്ത്രണംവിട്ട് നേരെ ചായക്കടയിലേക്ക് പാഞ്ഞുകയറുകയായിരുന്നുവെന്ന് നാട്ടുകാർ പറയുന്നു. ഇന്ന് വൈകിട്ട് മൂന്നുമണിയോടെയാണ് സംഭവം ഉണ്ടായത്. ഡ്രൈവർ ഉറങ്ങിപ്പോയതാണ് അപകട കാരണമെന്ന് പോലീസ് പറയുന്നു.