ഹെ​ൽ​മ​റ്റ് ധ​രി​ച്ച് മോഷ്ടിച്ച സ്‌കൂട്ടറിലിലെത്തും; പിന്നാലെ സ്ത്രീ​ക​ളു​ടെ മാ​ല പിടിച്ച് പറിക്കും; ഒടുവിൽ പട്ടാളക്കാരൻ പോലീസിന്റെ പിടിയിൽ

ത​ല​ശ്ശേ​രി: ഹെ​ൽ​മ​റ്റ് ധ​രി​ച്ച് സ്‌​കൂ​ട്ട​റി​ലെത്തി സ്ത്രീ​ക​ളു​ടെ മാ​ല പൊട്ടിച്ച കേസിൽ പ​ട്ടാ​ള​ക്കാ​ര​ൻ വീ​ണ്ടും പോ​ലീ​സ് പി​ടി​യി​ലാ​യി. പി​ണ​റാ​യി കാ​പ്പു​മ്മ​ൽ കു​ഞ്ഞി​ലാം വീ​ട്ടി​ൽ ശ​ര​ത്താ​ണ് (34) പി​ടി​യി​ലാ​യ​ത്. നേ​ര​ത്തേ ത​ല​ശ്ശേ​രി​യി​ൽ സ​മാ​ന കേ​സി​ൽ ഇ​യാ​ൾ പി​ടി​യി​ലാ​യി​രു​ന്നു. ക​ഴി​ഞ്ഞ ദി​വ​സം പി​ണ​റാ​യി പോ​ലീ​സ് സ്റ്റേ​ഷ​ൻ പ​രി​ധി​യി​ലെ ക​നാ​ൽ​ക്ക​ര വാ​യ​ന​ശാ​ല​ക്ക് സ​മീ​പത്ത് വെച്ച് യുവതിയുടെ ക​ഴു​ത്തി​ൽ​നി​ന്ന് മാല പൊട്ടിച്ച കേസിലാണ് ഇയാൾ പിടിയിലായത്.

ഹെ​ൽ​മ​റ്റ് ധ​രി​ച്ച് സ്കൂ​ട്ട​റി​ലെ​ത്തിയ പ്രതി ജോ​ലി ക​ഴി​ഞ്ഞ് മ​ട​ങ്ങു​ക​യാ​യി​രു​ന്ന പി​ണ​റാ​യി അ​റ​ത്തി​ൽ കാ​വി​ന​ടു​ത്ത സി.​കെ. ഷീ​ബ​യു​ടെ ര​ണ്ട​ര പ​വ​ന്റെ മാ​ലയാണ് പൊ​ട്ടി​ച്ചെ​ടു​ക്കാ​ൻ ശ്ര​മിച്ചത്. എന്നാൽ പി​ടി​വ​ലി​ക്കി​ട​യി​ൽ കാ​ൽ​പ​വ​ന്റെ താ​ലി മാ​ത്ര​മാ​ണ് മോ​ഷ്‌​ടാ​വി​ന് ല​ഭി​ച്ച​ത്. ​ഇ​തി​ന്റെ സി. ​സി.​ടി.​വി ദൃ​ശ്യം സം​ഭ​വ സ്ഥ​ല​ത്തു​നി​ന്ന് ല​ഭി​ച്ചി​രു​ന്നു.

വെ​ള്ളി​യാ​ഴ്ചയും സമാനമായ മോഷണമുണ്ടായിരുന്നു. ധ​ർ​മ​ടം പൊ​ലീ​സ് സ്റ്റേ​ഷ​ൻ പ​രി​ധി​യി​ലെ പെ​രു​ന്താ​റ്റി​ൽ മൂ​ർ​ക്കോ​ത്ത് മു​ക്കി​ൽ ചാ​ത്തോ​ത്ത് കു​നി​യി​ൽ വി. ​വി​ജ​യ​യു​ടെ (60) ക​ഴു​ത്തി​ൽ​നി​ന്ന് മാ​ല പൊ​ട്ടി​ക്കാ​ൻ ശ്ര​മ​മു​ണ്ടാ​യി. ഇ​വി​ടെ​യും ഇ​യാ​ൾ ഹെ​ൽ​മ​റ്റ് ധ​രി​ച്ച് സ്‌​കൂ​ട്ട​റി​ലാ​യി​രു​ന്നു എ​ത്തി​യ​ത്. തുടർന്ന് ലഭിച്ച പരാതിയിൽ പോലീസ് അന്വേഷണം ആരംഭിക്കുകയായിരുന്നു.

അ​ന്വേ​ഷ​ണ​ത്തി​ൽ മോ​ഷ്‌​ടി​ച്ച ഇ​രു​ച​ക്ര​വാ​ഹ​ന​വു​മാ​യി എ​ത്തി​യാ​ണ് പ്രതി മാ​ല ക​വ​ർ​ന്ന​തെന്ന് പോലീസിന് വ്യക്തമായി. തുടർന്ന് നടത്തിയ അന്വേഷണത്തിൽ പി​ണ​റാ​യി പൊ​ലീ​സ് ശ​ര​ത്തി​നെ പി​ടി​കൂടുകയായിരുന്നു. എ​സ്.​ഐ ബി.​എ​സ്. ബാ​വി​ഷ്, എ. ​എ​സ്.​ഐ​മാ​രാ​യ രാ​ജേ​ഷ്, ര​ജീ​ഷ്, ത​ല​ശ്ശേ​രി എ.​എ​സ്.​പി​യു​ടെ സ്ക്വാ​ഡ് അം​ഗ​ങ്ങ​ളാ​യ ലി​ജു, ശ്രീ​ലാ​ൽ, ര​തീ​ഷ് എ​ന്നി​വ​ർ ചേ​ർ​ന്നാ​ണ് ശ​ര​ത്തി​നെ പി​ടി​കൂ​ടി​യ​ത്.