കടലിൽ മത്സ്യബന്ധനത്തിന് പോയ അഞ്ച് പേരെ കാണാതായി; തിരച്ചിൽ ഊജ്ജിതമാക്കി കോസ്റ്റ് ഗാർഡും നേവിയും

കൊച്ചി: ചെല്ലാനത്ത് നിന്ന് കടലിൽ മത്സ്യബന്ധനത്തിന് പോയ അഞ്ച് മത്സ്യത്തൊഴിലാളികളെ കാണാതായി. KL03 4798 നമ്പർ ഇമ്മാനുവൽ എന്ന ഒറ്റ എൻജിൻ ഘടിപ്പിച്ച വള്ളത്തിൽ രാവിലെ നാലുമണിയോടെയാണ് ഇവർ കടലിലേക്ക് പുറപ്പെട്ടത്. രാവിലെ ഒമ്പതു മണിയോടെ തിരിച്ചെത്തേണ്ടിയിരുന്ന തൊഴിലാളികളെയാണ് കാണാതായത്. കാണാതായവരുടെ പേര് സെബിൻ, പാഞ്ചി, കുഞ്ഞുമോൻ, പ്രിൻസ്, ആന്റപ്പൻ എന്നിവരാണ്. ഇവർ ചെല്ലാനം കണ്ടക്കടവ് സ്വദേശികളാണ്. കാണാതായവര്‍ക്കായി കോസ്റ്റ് ഗാർഡും നേവിയും അടക്കം തിരച്ചിൽ തുടങ്ങി.