ക്ഷേത്രത്തിലെ പൂജാരിയെ ക്ഷേത്രക്കുളത്തില് മുങ്ങി മരിച്ച നിലയില് കണ്ടെത്തി; ശരത്ത് ജോലിയില് പ്രവേശിച്ചത് നാല് മാസം മുമ്പ്
ക്ഷേത്രത്തിലെ പൂജാരിയെ ക്ഷേത്രക്കുളത്തില് മുങ്ങി മരിച്ച നിലയില് കണ്ടെത്തി
കല്പകഞ്ചേരി: തുവ്വക്കാട് വാരണാക്കര മൂലേങ്കാവ് ഭഗവതി ക്ഷേത്രത്തിലെ പൂജാരിയെ ക്ഷേത്രക്കുളത്തില് മുങ്ങി മരിച്ച നിലയില് കണ്ടെത്തി. എറണാകുളം പറവൂര് സ്വദേശി മനപ്പറമ്പില് ശരത്താണ് (33) മരിച്ചത്.
വ്യാഴാഴ്ച രാവിലെ ആറരയോടെയാണ് ക്ഷേത്രക്കുളത്തില് മരിച്ച നിലയില് കണ്ടെത്തിയത്. നാലുമാസം മുന്പാണ് ക്ഷേത്രത്തില് ജോലിയില് പ്രവേശിച്ചത്. ക്ഷേത്രത്തിനോട് ചേര്ന്നുള്ള വീട്ടിലാണ് താമസം. ബുധനാഴ്ച വൈകുന്നേരം പൂജ കഴിഞ്ഞ് ക്ഷേത്രം അടച്ചതിനുശേഷം വ്യാഴാഴ്ച രാവിലെ ക്ഷേത്രം തുറക്കാതായതോടെ നടത്തിയ മറ്റു ജീവനക്കാര് തിരച്ചിലിലാണ് പൂജാരിയെ കുളത്തില് മുങ്ങി മരിച്ച നിലയില് കണ്ടെത്തിയത്.
തിരൂരില് നിന്നെത്തിയ ഫയര്ഫോഴ്സ് അംഗം മൃതദേഹം പുറത്തെടുത്തു. കല്പകഞ്ചേരി പൊലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റ്മോര്ട്ടത്തിനായി മഞ്ചേരി മെഡിക്കല് കോളേജ് ആശുപത്രിയിലേക്ക് മാറ്റി.