അട്ടപ്പാടിയിൽ വീണ്ടും ശിശുമരണം; മരിച്ചത് പത്ത് മാസം പ്രായമുള്ള ദക്ഷിണ; ആശുപത്രിയിൽ ചികിത്സയിലിരിക്കെ ദാരുണ വാർത്ത; വേദനയോടെ ഉറ്റവർ

പാലക്കാട്: അട്ടപ്പാടിയിൽ പത്ത് മാസം പ്രായമുള്ള കുഞ്ഞ് മരിച്ചു. ദക്ഷിണ എന്ന കുഞ്ഞാണ് മരിച്ചത്. ഷോളയൂർ വെച്ചപ്പതിയിൽ ചന്ദ്രശേഖരൻ-മിന്നൽ റാണി ദമ്പതിമാരുടെ പെൺകുട്ടിയാണ് മരിച്ചത്.

പെരിന്തൽമണ്ണയിലെ സഹകരണാശുപത്രിയിൽ ചികിത്സയിലിരിക്കെ ഇന്ന് രാവിലെ 5.30 നാണ് കുഞ്ഞ് മരിച്ചത്. പനിയും ശ്വാസതടസ്സവുമായി ഞായറാഴ്ച ആനക്കട്ടി സ്വകാര്യ ആശുപത്രിയിലെത്തിക്കുകയും പിന്നീട് കോട്ടത്തറ താലൂക്കാശുപത്രിയിലും ഇവിടെനിന്ന് പെരിന്തൽമണ്ണയിലേക്കും മാറ്റുകയായിരിന്നു. കുട്ടിക്ക് ജന്മനാ ഹൃദയ സംബന്ധമായ അസുഖം ഉണ്ടായിരുന്നു.