'കേരളം ചുട്ടുപൊള്ളുന്നു..'; പലയിടത്തും ഉയർന്ന താപനില; 12 ജില്ലകളിൽ ജാഗ്രത നിർദ്ദേശം; യെല്ലോ അലർട്ട് പ്രഖ്യാപിച്ചു; പുറത്തിറങ്ങുമ്പോൾ സൂക്ഷിക്കണം; മുന്നറിയിപ്പ് നൽകി കാലാവസ്ഥ വകുപ്പ്

തിരുവനന്തപുരം: കേരളത്തിലെ കാലാവസ്ഥ മുന്നറിയിപ്പിൽ മാറ്റം. വീണ്ടും വേനൽച്ചൂട് വർധിക്കുന്നതായി റിപോർട്ടുകൾ. സംസ്ഥാനത്ത് 12 ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിൽ ഇന്നും നാളെയുമാണ് ( മാർച്ച്‌ 30, 31) ഉയർന്ന താപനില മുന്നറിയിപ്പിൽ ഉള്ളത്.

പാലക്കാട് ജില്ലയിൽ 39ഡിഗ്രി വരെയും തൃശൂർ ജില്ലയിൽ 38ഡിഗ്രി വരെയും; കൊല്ലം, കോഴിക്കോട് ജില്ലകളിൽ 37ഡിഗ്രി വരെയും തിരുവനന്തപുരം, പത്തനംതിട്ട, ആലപ്പുഴ, കോട്ടയം, എറണാകുളം, മലപ്പുറം, കണ്ണൂർ, കാസർഗോഡ് ജില്ലകളിൽ 36ഡിഗ്രി വരെയും (സാധാരണയെക്കാൾ 2 - 3 ഡിഗ്രി കൂടുതൽ) ഉയരാൻ സാധ്യതയെന്നാണ് കേന്ദ്ര കാലാവസ്ഥാ വകുപ്പ് അറിയിച്ചു. പുറത്തിറങ്ങുമ്പോൾ സൂക്ഷിക്കണമെന്നും വെള്ളം നിറയെ കുടിക്കണമെന്നും നിർദ്ദേശം ഉണ്ട്.