കൊച്ചിയിൽ വാട്ടർ മെട്രോ ബോട്ടുകൾ തമ്മിൽ കൂട്ടിയിടിച്ച് അപകടം; ആർക്കും പരിക്കില്ല; പേടിച്ച് വിറച്ച് യാത്രക്കാർ

കൊച്ചി: വാട്ടർ മെട്രോ ബോട്ടുകൾ തമ്മിൽ കൂട്ടിയിടിച്ച് അപകടം. എറണാകുളം ഫോർട്ട് കൊച്ചിയിലാണ് സംഭവം നടന്നത്. എറണാകുളം ഫോർട്ട് കൊച്ചിയിൽ ഫോർട്ട് കൊച്ചി ജെട്ടിയിൽ നിന്നും പുറപ്പെട്ട ബോട്ട് 50 മീറ്റർ കഴിഞ്ഞപ്പോഴാണ് ഹൈക്കോടതി ഭാഗത്ത് നിന്നും വന്ന ബോട്ടുമായി കൂട്ടിയിടിച്ചത്. ഉച്ചയ്ക്ക് 12.30നായിരുന്നു സംഭവം നടന്നത്.

ഫോർട്ട് കൊച്ചിയിൽ നിന്ന് ഹൈക്കോടതി ജെട്ടിയിലേക്ക് പോകുകയായിരുന്ന ബോട്ട് പിന്നോട്ട് എടുത്തപ്പോൾ മറ്റേ ബോട്ടിലേക്ക് വന്ന് ഇടിക്കുകയായിരുന്നു. അപകടത്തില്‍ ആർക്കും പരിക്കില്ല.

പക്ഷേ ബോട്ടുകളില്‍ ഒന്നിന്‍റെ അപായ മുന്നറിയിപ്പ് മുഴങ്ങിയതോടെ യാത്രക്കാരെല്ലാം വലിയ ഭയപ്പാടിലായി. മുഴങ്ങിയതും ബോട്ടിന്‍റെ വാതില്‍ തുറക്കുകയും ചെയ്തത് യാത്രക്കാരില്‍ വലിയ പരിഭ്രാന്തി സൃഷ്ടിച്ചു. ശേഷം ബോട്ടുകൾ വീണ്ടും സർവീസ് തുടങ്ങുകയും ചെയ്തു.