രഹസ്യ വിവരത്തിന്റെ അടിസ്ഥാനത്തില്‍ റെയ്ഡ്; ആലുവയില്‍ നിന്ന് 36 കിലോ കഞ്ചാവ് പിടികൂടി; ബാഗിലും, ട്രോളിയിലുമായി കടത്താന്‍ ശ്രമിക്കവെ യുവതി അടക്കം പിടിയില്‍
Update: 2024-11-25 04:26 GMT
കൊച്ചി: കഞ്ചാവ് കടത്തുന്നുണ്ടെന്ന് രഹസ്യ വിവരം ലഭിച്ചതിനെ തുടര്‍ന്ന് നടത്തിയ തിരച്ചിലില്‍ ആലുവയില്‍ നിന്ന് കഞ്ചാവ് പിടികൂടി. 36 കിലോ കഞ്ചാവുമായി രണ്ട് യുവതികള്‍ ഉള്‍പ്പെടെ മൂന്ന് ഒഡീഷാ സ്വദേശികളെയാണ് പിടികൂടിയത്. റൂറല്‍ പൊലീസ് റെയില്‍വേ സ്റ്റേഷനില്‍ നിന്നുമാണ് ഇവരെ പിടികൂടിയത്. ബാഗിലും ട്രോളി ബാഗിലുമായിട്ടാണ് കഞ്ചാവ് കൊണ്ടുവന്നത്.
ഇന്ന് പുലര്‍ച്ച 2 മണിയോടെയാണ് ഇവര്‍ ട്രെയിനില്‍ ആലുവയില്‍ എത്തിയത്. ആലുവയില്‍ എത്തിയ ശേഷം കഞ്ചാവ് കളമശ്ശേരിക്ക് കൊണ്ടുപോകാനായിരുന്നു ശ്രമം. ഇതിന് മുന്‍മ്പും ഇവര്‍ കഞ്ചാവ് കൊണ്ട് വരികയും കളമശ്ശേരിയില്‍ എത്തിക്കുകയും ചെയ്തിട്ടുണ്ട്.
സ്ഥിരം കഞ്ചാവ് കടത്തുകാരാണ് ഇവരെന്നാണ് പൊലീസ് സംശയിക്കുന്നത്. ജില്ലാ പൊലീസ് മേധാവി വൈഭവ് സക്‌സേനക്ക് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിലായിരുന്നു റെയ്ഡ്.