പ്രായപൂര്‍ത്തിയാകാത്ത വിദ്യാര്‍ഥിനിക്കുനേരേ ലൈംഗികാതിക്രമം; 48കാരന്‍ അറസ്റ്റില്‍
പ്രായപൂര്‍ത്തിയാകാത്ത വിദ്യാര്‍ഥിനിക്കുനേരേ ലൈംഗികാതിക്രമം; 48കാരന്‍ അറസ്റ്റില്‍
By : സ്വന്തം ലേഖകൻ
Update: 2024-10-19 01:23 GMT
കാഞ്ഞങ്ങാട്: പ്രായപൂര്‍ത്തിയാകാത്ത വിദ്യാര്‍ഥിനിക്കുനേരേ ലൈംഗികാതിക്രമം നടത്തിയെന്ന പരാതിയില്‍ വെള്ളിക്കോത്ത് കണിയാംകുണ്ടിലെ കരുണാകരനെ (48) ഹൊസ്ദുര്‍ഗ് പോലീസ് അറസ്റ്റു ചെയ്തു. ഹൊസ്ദുര്‍ഗ് പോലീസ് സ്റ്റേഷന്‍ പരിധിയിലെ 14 വയസ്സുകാരിയെയാണ് ലൈംഗികാതിക്രമത്തിനിരയാക്കിയത്. വെവ്വേറെ ദിവസങ്ങളിലായി ഒന്നിലേറെ തവണ ലൈംഗികാതിക്രമത്തിനിരയാക്കിയെന്നാണ് കേസ്.
കുട്ടി പഠിക്കുന്ന സ്‌കൂളിലെ അധ്യാപകര്‍ വിവരമറിഞ്ഞതോടെ ചൈല്‍ഡ് ലൈന്‍ മുഖേന പോലീസില്‍ അറിയിക്കുകയായിരുന്നു. ഹൊസ്ദുര്‍ഗ് ഒന്നാം ക്ലാസ് ജുഡീഷ്യല്‍ മജിസ്ട്രേറ്റ് (ഒന്ന്) കോടതി പ്രതിയെ റിമാന്‍ഡ് ചെയ്തു.