മുത്തങ്ങ ചെക്ക് പോസ്റ്റില്‍ കെഎസ്ആര്‍ടിസിയിലെ പരിശോധനയില്‍ യാത്രക്കാരിക്ക് പരുങ്ങല്‍; പരിശോധനയില്‍ കണ്ടെത്തിയത് കഞ്ചാവ്
പരിശോധനയില്‍ കണ്ടെത്തിയത് കഞ്ചാവ്
കല്‍പ്പറ്റ: ലഹരിക്കെതിരെ നടപടി കര്‍ശനമാക്കുമ്പോള്‍ ദിവസവും പിടിയിലാകുന്നത് നിരവധി പേര്‍. മുത്തങ്ങ ചെക് പോസ്റ്റില്‍ എക്‌സൈസ് പരിശോധനക്കിടെ കഞ്ചാവ് പിടികൂടി. ഉച്ചയ്ക്ക് 1.30 ഓടെ നടത്തിയ പരിശോധനയിലാണ് കഞ്ചാവുമായി യുവതിയെ പിടികൂടിയിത്. കെഎസ്ആര്‍ടിസി ബസില്‍ കഞ്ചാവുമായി വരികയായിരുന്ന വയനാട് സ്വദേശിനി പ്രീതു ജി നായരാണ് പിടിയിലായത്. ഇവരുടെ കൈവശം 45 ഗ്രാം കഞ്ചാവാണ് ഉണ്ടായിരുന്നത്.
മുത്തങ്ങ എക്‌സൈസ് ചെക്ക് പോസ്റ്റിലെ എക്‌സൈസ് ഇന്‍സ്‌പെക്ടര്‍ കെ ജെ സന്തോഷും പാര്‍ട്ടിയും ചേര്‍ന്നാണ് ചെക്ക് പോസ്റ്റില്‍ വെച്ച് കെഎസ്ആര്‍ടിസി ബസ് തടഞ്ഞത്. തുടര്‍ന്ന് നടത്തിയ പരിശോധനയ്ക്കിടെ പരുങ്ങിയ പ്രീതുവിന്റെ കയ്യില്‍ നിന്ന് 45 ഗ്രാമിന്റെ കഞ്ചാവ് പൊതി കണ്ടെത്തുകയായിരുന്നു. വയനാട് വൈത്തിരി സ്വദേശിനിയാണ് പിടിയിലായ പ്രീതു.
അസിസ്റ്റന്റ് എക്‌സൈസ് ഇന്‍സ്‌പെക്ടര്‍ സുനില്‍ കെ, പ്രിവന്റീവ് ഓഫീസര്‍ ദീപു എ, സിവില്‍ എക്‌സൈസ് ഓഫീസര്‍മാരായ പ്രജീഷ് എം വി, സജി പോള്‍, വനിതാ സിവില്‍ എക്‌സൈസ് ഓഫീസര്‍മാരായ പ്രസന്ന ടി ജി അനില പി സി, എന്നിവരും ഉണ്ടായിരുന്നു.